Slovakiyanın Jilina şəhərində üzgüçülük üzrə yeniyetmə və gənclər arasında beynəlxalq turnir keçirilib. Yığmamız üçün bu yarış yetərincə məhsuldar alınıb. Maksim Şemberev 4 qızıl, 1 gümüş, Fatimə Alkərəmova 3 qızıl, 2 bürünc, Ayan Kələntərova 1 qızıl, 4 gümüş, Alsu Bayramova 2 qızıl, 1 bürünc, Ramil Vəlizadə 3 gümüş, Rəşad Əlquliyev 1 gümüş və Vəli İsrafilov 1 bürünc medala yiyələnib. Şemberev 400 metr kompleks üzmədə, Alkərəmova isə 200 metr sərbəst üzmədə turnirin rekordunu yeniləyib.