“Neftçi”nin üzvü Lorentso Mezzotero ənənəvi olaraq hər il keçirilən “Milan günləri” toplanışında iştirak edib. Toplanışa 33 ölkədən 2003-04 və 2007-08 təvəllüdlü 306 uşaq və yeniyetmə qatılıb. 2008 təvəllüdlü Lorentsonun oyunu və istedadı klubun mütəxəssisləri tərəfindən yüksək qiymətləndirilib. Qeyd edək ki, “Milan” ölkə xaricində oynayan istedadlı italiyalı futbolçulara hər il dəvət göndərərək, onların hazırlıq səviyyəsini yoxlayır. “Neftçi” İtaliya təmsilçisinin dəvətini müsbət dəyərləndirərək, Mezzoteronun toplanışda iştirakı üçün lazımi şəraiti yaradıb. Martın 30-da “Neftçi”yə qoşulacaq Lorentso aprelin 6-da start götürəcək “İzmir Cup” turnirində “ağ-qaralar”ın U-12 komandasının heyətində yer alacaq.
HƏBİB