Azər Məmmədov AFFA rəhbərliyi və Qurban Qurbanovla görüşü gözləyir
“Həmin günlərdə çalışacam maksimum sayda oyun izləyib, namizədləri iş başında görüm”
“Kəpəz”in əvəzedicilərdən ibarət komandasının baş məşqçisi postundan ayrılandan sonra bir müddət işsiz qlan Azər Məmmədovun U-16-nın “sükanı arxasına” keçdiyini ötən sayımızda xəbər vermişdik. 16 yaşa qədər futbolçulardan formalaşan yığmanın yeni çalışdırcısının gələcəklə bağlı planlarını öyrənmək üçün dünən Azər bəylə əlaqə saxladıq. 42 yaşlı mütəxxəssis öncə bunları söylədi: “Mənə belə etimad göstərdiklərinə görə AFFA rəhbərliyinə, əsas millinin baş məşqçisinə təşəkkür edirəm. Bildiyiniz kimi, bütün yaş qrupları üzrə milli komandalara nəzarət məhz Qurban Qurbanova tapşırılıb. Əlimdən gələni edəcəm ki, mənə güvənən insanları məyus etməyim. Heç şübhəsiz, milli ilə klub tam fərqli anlayılşlardı. Bir var hansısa klubun uğurları üçün çalışasan, bir də var ölkəni beynəlxalq arenada təmsil edən millini çalışdırasan. Bu da böyük məsuliyyət deməkdi. Hələ uzun yolun başlanğıcına çıxırıq. U-16-nı çalışdırmaq hər bir məşqçidən məsuliyyət tələb edir. Çünki bu yaş qrupunda çıxış edənlər böyük futbolun astanasındadı. Keçid dövrünü aşa bilsələr, gələcəkdə U-19, U-21 və əsas yığmada oynaya biləcəklər. Bu üzdən hər bir gəncə xüsusi diqqət ayırmaq, onların üstün cəhətlərini inkişaf etdirmək, çatışmazlıqları aradan qaldırmaq lazımdı”.
Azər bəy hələ ki baş məşqçisi olduğu millinin gələcəklə bağlı planlarının müəyyənləşmədiyini söylədi: “U-16 yığması hələ formalaşmayıb. Təyinatım təsdiqlənən gündən klubların U-15 komandalarında çalışan məşqçilərlə əlaqə saxlayıb, milliyə potensial namizədlərin siyahısını dəqiqləşdirməklə məşğulam. Hazırda AFFA-nın bayrağı altında keçirilən U-15 liqasında fasilədi. Növbəti tur martın 31-i və aprelin 1-də keçiriləcək. Həmin günlərdə çalışacam maksimum sayda oyun izləyib, namizədləri iş başında görüm. Yığmanın yoldaşlıq oyunlarından sonra Qurban Qurbanovla görüşəcəyik. Məhz həmin iclasda gələcəklə bağlı iş planımı təqdim edəcəm. Rəhbərlik razılıq versə, aprelin birinci həftəsində seleksiya xarakterli toplanış keçirmək istəyirəm. Bundan başqa, növbəti aylar üçün də nə iş görəcəyimizi müzakirə edəcəyik. Qeyd etdiyim kimi, bütün suallara AFFA rəhbərliyi və Qurban müəllimlə görüşdən sonra aydınlıq gələcək”.
Hər bir mütəxəssisin millidə və ya klubda çalışmasından asılı olmayaraq, daim güvəndiyi köməkçiləri olur. Təsadüfən deməyiblər ki, istənilən baş məşqçinin ilk uğurlu transferi yardımçılarının seçimindən başlayır. Bəs görəsən, U-16-da Məmmədovun məşqçilər korpusunda kimlər yer alacaq? Azər bəyin məsələyə reaksiyası belə oldu: “Açığı, bu haqda heç bir söhbət olmayıb. Bir var “hər şey dəqiqləşsin, açıqlayacam” söyləyirsən. Belə olan halda namizədlər olur və gözləyirsən ki, yuxarı instansiya həmin namizədləri təsdiq etsin. Bir də var mənim indiki durumum. Hələ köməkçilərlə bağlı heç bir söz-söhbət yoxdu. Martın sonunda keçiriləcək toplantıda bu məsələyə də aydınlıq gələcək. Köməkçilərimin kimlər olmasından asılı olmayaraq, bizim bir məqsədimiz olacaq: U-16-ya ən layiqlilər cəlb olunsun və komanda qazandığı nəticələrlə futbol ictimaiyyətini sevindirsin”.
RƏŞAD

Son xəbərlər

“Adana Dəmirspor”un prezidenti: “Çıxıb adam kimi oynayacaqlar”

“Sumqayıt”ın yeni baş məşqçisi bəlli oldu

"Komanda inkişaf edir" - Canni De Byazi

“Futbolu sevməyimdə Nazim Süleymanovun oğlu olmağımın böyük rolu var” – LAYİHƏ

"Bu oyunda çox zəif oynadıq" - Maqomed Adıyev

Millimizin tarixində ilk!

Millimiz 3 xalı 3 qolla qazandı - YENİLƏNİB

“Neftçi” AFFA-dan xəbər gözləyir

Baqa “Sumqayıt”dan təzminat almayıb

Rabyoya daha bir müştəri

Qazaxıstanı ud, Avropa çempionatında iştirak şansı qazan! - KÖŞƏ

İdmançımız birinci oldu

Keytaya yeni təklif

"Qəbələ" - "Hayduk" matçının hakimləri müəyyənləşdi

Federasiya prezidenti idmançılarla görüşdü

Əməliyyatdan imtina etdi

Bernat PSJ-dən ayrılmağa yaxındı

“Barselona”da ciddi itkilər

“Yuventus”da istefa gözlənilir?

Sulşer ilə Ranqnik MY-ni xərcə salıblar

Azarkeşlər prezidenti istefaya çağırdılar

Fransa klubu cəzalandı

Bir ay oynamaya bilər

Sabah hər şey bəlli olacaq – Ya Tsaxadadze, ya da...

Milli formada 88 qola çatdı

“Kəpəz”in ev oyunlarını Gəncədə keçirəcəyi tarix məlumdu – ÖZƏL

Dzeko "İnter"dən ayrıla bilər

“Kəpəz” yenə çalxalanır - ÖZƏL

"İnter" "Barselona"nın yetirməsini istəyir

İspaniyanın 18 illik seriyası qırıldı

9 ilin ən böyükhesablı qələbəsi

Millimizin Qazaxıstanla görüş üçün iştirak ərizəsi

Ronaldo zədələndi

Mahmud Qurbanov iki legioneri niyə əvəzedicilərə "sürgün edib"? - AÇIQLAMA

"Belə şeylər etsək, böyük komanda qura bilmərik" - Canni De Byazi

"Mançester Yunayted" De Xea ilə müqavilə müddətini uzatdı

Ukrayna Ermənistanı darmadağın etdi

"Qazaxıstanın liderliyi gözlənilməz oldu" - Emin Mahmudov

"De Byazi futbolçularıma hörmətsizlik etdi" - Qazaxıstanın baş məşqçisi

"Azərbaycanın "Qarabağ" kimi güclü klubu var" - Qazaxıstanlı futbolçu

Türklər yığmamızı darmadağın etdi

"Qrup mərhələsini qələbə ilə başa vurmaq istəyirik"

"Oyunun necə keçəcəyini görəcəyik" - Qazaxıstanın futbolçusu

“Qarabağ” UEFA-nın maliyyə sıralamasında irəliləyib

''Qaçmayan futbolçuya görə pul xərcləmərəm''

Bütün xəbərlər