1-ci liqada son 7 mövsümün məhsuldarlıq rekordu təkrarlanıb.

“Football-plus.az” xəbər verir ki, bu, 27-ci turda baş verib. “İrəvan”la “Karvan” arasında qarşılaşmada 11 qol vurulub.

Qonaqların 8:3 hesablı qələbəsi ilə bitən görüş qol sayında mövsümün mütləq rekordudur. Sonuncu belə məhsuldarlıq ötən çempionatda qeydə alınıb. “Araz-Naxçıvan” səfərdə “Turan Tovuz-2”yə 6:5 hesabı ilə qalib gəlmişdi.

Bu iki matç son 7 mövsümdə ən çox qol vurulan qarşılaşmalardı. Daha çox qola sonuncu dəfə 2016/17 mövsümünün “Səbail” – “Bakılı” qarşılaşmasında təsadüf olunub. Həmin vaxt ümumilikdə 14 qol vurulub. Bu qarşılaşmada meydan sahibləri 11:3 hesablı qələbə qazanıblar.