“Kubok və medallarla bağlı dizayn ideyaları PFL-ə məxsusdu. Yəni hər hansı hazır qəlib əsasında yox, biz tərəfdən təqdim olunan çizgilərə uyğun hazırlanıb. Bu məsələ mövsümün əvvəlindən planlanırdı. Futbolumuz, eləcə də ümumi dəyərlərimiz, tarixi irsimizlə bağlı detalların əks olunmasına çalışılıb. Bir çox ölkələrdən təkliflərimiz var idi. Sonda Türkiyədə hazırlanması uyğun görüldü. Medallar da eyni ünvanda hazırlanıb. Premyer-liqanın qalibinə və ölkə kubokunun finalçılarına 60, digər liqaların qaliblərinin hər birinə 50 medal təqdim olunacaq”.