Norris ilk dəfə çempion oldu
Həftəsonu keçirilən Mayami mərhələsi heç də gözlənilən nəticə ilə bitmədi.
"Football-plus.az" xəbər verir ki, bu dəfə ənənəvi favoritlər – Ferstappen, Peres və ya Lekler yox, Norris ön plana çıxdı. “Maklaren”in 24 yaşlı britaniyalı pilotu karyerasında ilk dəfə finiş xəttinə birinci çatdı. Lando ən yaxın izləyicisi Ferstappeni 7,6 saniyə qabaqladı. 3-cü yeri isə “Ferrari”nin pilotu Şarl Lekler tutdu. Maraqlıdı ki, Norris indiyə qədər nə yaxşı halda 5 dəfə 2-ci yeri tutmuşdu. Ferstappenin cari mövsümdə ikinci dəfə qalib olmadığını da xatırladaq.
Norris qələbəsini belə şərh etdi:
“Bu nə yarış idi?! Uzun yol gəldim, nəhayət, bunu bacardım. Bütün komandaya görə sevinirəm, bunu onlar üçün etdim. Çox ağır yarış alındı. Çoxdan gözlədiyim zirvəyə qalxdım. Həftəsonu ümumilikdə yaxşı keçdi. Bəzi səhvlərə yol versəm də, tempimiz yaxşı idi. Bu yarış üçün ideal strategiya hazırlamışdıq. Planlarımız işlədi. “Maklaren” sağ olsun, hər kəs sağ olsun. Atama və anama salam göndərirəm”.
Bu il Avstraliya mərhələsində olduğu kimi, Amerikada da qalib ola bilməyən Ferstappenin 2-ci yerlə bağlı izahatı:
“Bəzən udursan, bəzən də uduzursan. Bu gün asan gün olmadı. “Medium” təkərlərdə özümü heç də rahat hiss etmədim. “Maklaren”in hansı templə getdiyini eşidəndə təəccübləndim. Rəqib çox sürətli idi. Yaxşı günümüz olmadığına görə 2-ci yeri normal nəticə kimi qəbul edirəm. Niyə belə olmasının səbəblərini tapmaq lazımdı. Temp baxımından komandamız üçün heç də uğurlu həftəsonu deyildi”.
Mayami mərhələsi ilə bağlı daha bir maraqlı xəbər var. “Maklaren” ABŞ-nin sabiq prezidenti Donald Trampı qonaq qismində dəvət etməsinə belə aydınlıq gətirib. Komandanın təmsilçisi “Planet F1”ə belə açıqlama verib:
“Maklaren” qeyri-siyasi təşkilatdı, ancaq biz Birləşmiş Ştatların prezidenti postuna hörmət edirik. Yarış günü qarajımıza baş çəkmək xahişi eşidəndə FİA prezidenti, “Libertu Media” və “Formula-1” rəhbərliyi ilə birgə onu qəbul etməyə qərar verdik. “Formula-1” komandalarından məhz “Maklaren”in seçilməsi bizim üçün böyük şərəfdi. Bu, bizə avtoidman dünyasına gətirdiyimiz dünya səviyyəli mühənfis tətbiqlərini nümayiş etdirmək imkanı yaratdı”.
Amerikanın 45-ci prezidenti Donald Tramp da yarış günü “Maklaren”i ziyarət etməsi ilə bağlı paylaşımında komandanı qələbə münasibəti ilə təbrik edib:
“Maklaren”dən olan dostlarımın Mayami mərhələsindəki qələbəsini görmək mənim üçün böyük şərəfdi. Yarış start götürməmiş komandanı ziyarət etdim, dəstəklədim. Ölkəmizə lazım olan qələbədi”.
Təsnifat mərhələsi
1. Maks Ferstappen (Niderland) 1.27,241
2. Şarl Lekler (Monako) 1.27,382
3. Karlos Sayns (İspaniya) 1.27,455
4. Serxio Peres (Meksika) 1.27,460
5. Lando Norris (B.Britaniya) 1.27,594
6. Oskar Piastri (Avstraliya) 1.27,675
7. Corc Rassell (B.Britaniya) 1.28,067
8. Lüis Hemilton (B.Britaniya) 1.28,107
9. Niko Hülkenberq (Almaniya) 1.28,146
10. Yuki Sunoda (Yaponiya) 1.28,192
11. Lens Stroll (Kanada) 1.28,222
12. Pyer Qasli (Fransa) 1.28,324
13. Esteban Okon (Fransa) 1.28,371
14. Aleksandr Albon (Tayland) 1.28,413
15. Fernando Alonso (İspaniya) 1.28,427
16. Valtteri Bottas (Finlandiya) 1.28,463
17. Loqan Sarcent (ABŞ) 1.28,487
18. Daniel Rikkyardo (Avstraliya) 1.28,617
19. Kevin Maqnussen (Danimarka) 1.28,619
20. Quanyuy Çjou (Çin) 1.28,427
Həlledici mərhələ
308,326 km (5412 metrlik 57 dövrə)
1. Lando Norris Maklaren 1:30.49,876
2. Maks Ferstappen Red Bull +7,612
3. Şarl Lekler Ferrari +9,920
4. Serxio Peres Red Bull +14,650
5. Karlos Sayns Ferrari +16,407
6. Lüis Hemilton Mersedes +16,585
7. Yuki Sunoda RB +26,185
8. Corc Rassell Mersedes +34,789
9. Fernando Alonso Aston Martin +37,107
10. Esteban Okon Alpin +39,746
11. Niko Hülkenberq Haas +40,789
12. Pyer Qasli Alpin +44,958
13. Oskar Piastri Maklaren +49,756
14. Quanyuy Çjou Zauber +49,756
15. Daniel Rikkyardo RB +50,956
16. Valtteri Bottas Zauber +52,356
17. Lens Stroll Aston Martin +55,173
18. Aleksandr Albon Uilyams +1.16,091
19. Kevin Maqnussen Haas +1.24,683
Loqan Sarcent (Uilyams) finişə çatmayıb.
Şəxsi birincilik
1. Maks Ferstappen 136 xal
2. Serxio Peres 103
3. Şarl Lekler 98
4. Lando Norris 83
5. Karlos Sayns 83
6. Oskar Piastri 41
7. Corc Rassell 37
8. Fernando Alonso 33
9. Lüis Hemilton 27
10. Yuki Sunoda 14
11. Lens Stroll 9
12. Oliver Berman 6
13. Niko Hülkenberq 6
14. Daniel Rikkyardo 5
15. Esteban Okon 1
16. Kevin Maqnussen 1
Mühəndislər kuboku
1. Red Bull 239 xal
2. Ferrari 187
3. Maklaren 124
4. Mersedes 64
5. Aston Martin 42
6. RB 19
7. Haas 7
8. Alpin 1
Digər xəbərlər
