Dünən birinci divizionda 17-ci tura yekun vurulub. Turun ikinci oyun günündə iki görüş baş tutub ki, “Şüvəlan” “Mil-Muğan”ı, “Sabah” isə MOİK-i sınağa çəkib. Hər iki oyunda meydan sahibləri minimalhesablı qələbə qazanıb. Aqil Nəbiyevin komandası ilk yarının ortalarında hesabı açsa da, İmişli təmsilçisi fasiləyə qədər tarazlığı bərpa edib. Şüvəlanlılara 3 xalı ikinci yarının ortalarında AZAL-ın vaxtından komandada top qovan, artıq neçənci dəfədi vacib qollarla komandasına kömək edən gürcü yarımmüdafiəçi Nuqzar Kvirtiya qazandırıb. “Sabah” isə liderin ən yaxın izləyicisi MOİK-i xalsız qoyub. Qarşılaşmanın taleyini həll edən yeganə qol 85-ci dəqiqəyə təsadüf edib. Arif Əsədovun komandası bu qələbə sayəsində 7-ci yerə yüksəlibsə, “hərbçilər” 3-ə enib. Düzdü, “Şüvəlan” kimi, MOİK-in də 29 xalı var. Ancaq şüvəlanlılar başqa göstəricilərə görə öndədi.
Birinci divizion
2-ci dövrə, 17-ci tur
9 mart
Sabah – MOİK 1:0
Raul Yaqubzadə, 85.
Şüvəlan – Mil-Muğan 2:1
Viqar Əlibabayev, 21. Nuqzar Kvirtiya, 68 - Anar Babayev, 30.
Turun qalan oyunlarının nəticələri: Zaqatala – Xəzər 1:2 (Elvin Həsənov, 11 - Bəxtiyar Soltanov, 15. Tural Qürbətov, 86), Qaradağ Lökbatan – Turan Tovuz 1:3 (Sabir Allahquliyev, 71-p. - İlkin Rzayev, 54; 80. Ziyabil Məmmədov, 58), Binə - Ağsu 1:0 (Sərxan Ağayev, 10).
1. Qaradağ Lökbatan 17 12 2 3 33-16 38
2. Şüvəlan 17 9 2 6 20-15 29
3. MOİK 17 9 2 6 25-18 29
4. Binə 17 8 3 6 23-16 27
5. Xəzər 17 7 4 6 17-11 25
6. Turan Tovuz 17 7 4 6 26-23 25
7. Sabah 17 6 4 7 19-26 22
8. Mil-Muğan 17 6 2 9 26-34 20
9. Ağsu 17 5 3 9 17-30 18
10. Zaqatala 17 2 2 13 14-31 8
Bombardirlər: Sabir Allahquliyev (Qaradağ Lökbatan) - 9, Elnur Səmədov (Turan Tovuz), Samir Babayev (Mil-Muğan), Bəhruz Teymurov (MOİK) – 8.