Rusiyanın paytaxtı Moskvada keçirilən şahmat üzrə "Aeroflot Open" turniri sona çatıb. A turnirində Rauf Məmmədov (2709) son iki turda fərqli nəticələrə imza atıb. 8-ci turda Xianqyu Xu (Çin, 2545) ilə heç-heçə edən yığma üzvü dünən keçirilən sonuncu - 9-cu turda Çithambaram Aravində (Hindistan, 2617) qalib gəlib. Yekunda həmyerlimiz 6 xalla ilk "10-luğ"u qapayıb. Yarışın qalibi isə Məmmədovdan 1 xal artıq yığan Vladislav Kovalyov (Belarus, 2641) olub.
A turnirinə gəlincə, Vüqar Əsədli (2449) son 2 turda Pavel Potapovla (Rusiya, 2479) "sülh"ə razılaşsa da, Ramil Faizrəhmanova (Rusiya, 2423) uduzub. Nərmin Xələfova (2234) isə Alvaro Valdes Eskobarla (Çili, 2382) Yifan Zuonu (Çin, 2349) üstələyib. Yekunda Əsədli 6 xalla 12-ci yeri tutubsa, hesabına 4,5 xal yazan Xələfova 58-ci olub. B turnirində 9 oyuna 7,5 xal toplayan Mixail Mozarov (Rusiya, 2539) fəxri kürsünün ən yüksək pilləsinə qalxıb.