“Aeroflot Open 2024”dən öncə iştirak etdiyim son klassik turnir FIDE Grand Swiss 2023 turniri idi. Təxminən 4 ay əvvəl oynamışdım. Bu turnirdən çıxardığım dərslərdən biri odu ki, klassik turnirlərə bu qədər uzun müddət fasilə vermək olmaz. Çox təcrübə qazansam da, qarşılığında iki reytinq vahidi itirdim. Bu elə də böyük bir itki deyil. Uzaq perspektivdə bu turnirin mənə çox şey qazandıracağına əminəm. Yaxşı ki bu turnirdə iştirak etdim. Artıq zəif və güclü tərəflərimi daha yaxşı bilirəm. Zəif tərəflərim üzərində işləməyə başlamışam. Növbəti turnirə qədər bu zəiflikləri aradan qaldırmaq üçün əlimdən gələni edəcəm”.