Bu gün keçirilən oyunlarla Misli premyer-liqasında 25-ci tura yekun vurulub.

Martın ilk günlərində ölkə çempionatının həyəcanını televiziya vasitəsilə yaşamaq istəyənlər “CBC Sport” kanalını izləyə biliblər.

Misli premyer-liqası
3-cü dövrə, 25-ci tur
3 mart
Qəbələ - Səbail 2:3
Urfan Abbasov, 13, Osama Xalayla, 26 - Yusif Nəbiyev, 58, Rüfət Abdullazadə, 65, Nir Bardea, 90+1
“Qəbələ”nin bu rəqiblə ev oyunlarının balansı: 12:+8=3-1, 27:9.
2017/18 – 3:1, 1:1; 2018/19 – 3:0, 2:1; 2019/20 – 3:0; 2020/21 – 1:1, 1:1; 2021/22 – 5:0, 2:0; 2022/23 – 2:1, 4:2. 2023/24 – 0:1.
Cəzalılar: Feras Abu Akal (Qəbələ), Adil Nağıyev (Səbail).
“Futbol+”in proqnozu: 30-30-40.
Hakimlər: RAUF CABBAROV, Müslüm Əliyev, Cəmil Quliyev, Kamranbəy Rəhimov.
Hakim-inspektor: Ömər Paşayev.
AFFA nümayəndəsi: Seymur Səlimli.
Qəbələ, şəhər stadionu. Saat 16.00.

“Qəbələ” dərhal “Qarabağ” önündəki acı məğlubiyyətin təsirindən qurtulmalı və bütün gücüylə bu oyuna köklənməlidi. Matç Kaxaber Sxadadze üçün uğursuz debütünün “günahını yumaq” yönündə yaxşı fürsətdi. Komanda isə azarkeşlərin könlünü almalı və uçuruma aparan qoldan dönmək üçün əlindən gələni etməlidi. Bu məqsəd üçün “Səbail” uyğun rəqibdi? Bəlkə də yox. Çünki “dənizçilər” zamanla nəticələrini yaxşılaşdırır və etiraf etməsələr də, ilk” dördlük”də gözlərinin olduğunu büruzə verirlər. Niyə də olmasın?! Şahin Dinieyvin yetirmələri bu mövqedən çox uzaqda deyil.

Ümumiyyətlə, komandalar indiyə qədər 25 oyunda qarşılaşıb. Bunların 12-də “Qəbələ”, 7-də “Səbail” qalib gəlib, 6 matçda hərəyə 1 xal düşüb. Topların nisbətində “qırmızı-qaralar” öndədi – 43:29.

Neftçi – Qarabağ 1:4
Filip Ozobiç, 71-p. - Nəriman Axundzadə, 47, Toral Bayramov, 60-p., 90+3, Leandro Andrade, 90+7
“Neftçi”nin bu rəqiblə ev oyunlarının balansı: 46:+12=16-28, 43:58.
1992/93 – 1:1; 1993/94 – 1:1; 1994/95 – 3:2; 1995/96 – 2:2, 2:2; 1996/97 – 0:0; 1997/98 – 1:1; 1998/99 – 0:0, 0:0; 1999/20 – 2:0; 2000/01 - *; 2001/02 – 1:0; 2003/04 – 2:0; 2004/05 – 1:0; 2005/06 – 2:0; 2006/07 – 0:0; 2007/08 – 0:0; 2008/09 – 0:1; 2009/10 – 0:0, 0:0; 2010/11 – 1:1, 2:0; 2011/12 – 3:2, 2:1; 2012/13 – 0:1, 1:2; 2013/14 – 0:0, 1:4; 2014/15 – 1:3, 0:1; 2015/16 – 1:0, 1:2; 2016/17 – 0:2, 1:2; 2017/18 – 1:3, 0:0; 2018/19 – 3:1, 2:3; 2019/20 – 0:0; 2020/21 – 0:6, 1:0; 2021/22 – 1:2, 1:2; 2022/23 – 0:4, 2:4; 2023/24 – 0:2.
Cəzalı: yoxdu.
“Futbol+”in proqnozu: 30-30-40.
Hakimlər: ELÇİN MƏSİYEV, Elşad Abdullayev, Pərvin Talıbov, Nicat İsmayıllı.
Hakim-inspektor: Barış Şimşək.
AFFA nümayəndəsi: Elgiz Abbasov.
Bakı, “Neftçi Arena”. Saat 19.00.
Tura Azərbaycan derbisiylə yekun vurulacaq. “Neftçi”nin “Qarabağ”ı qəbul edəcəyi oyuna maraq böyükdü. Bilindiyi kimi, bu komandaların görüşləri həmişə prinsipiallığıyla seçilib. Mövsümü 2-ci pillədə başa vurmaq istəyən “ağ-qaralar” məhz bu qarşılaşmadan qalib ayrılsa, hədəfə doğru böyük addım atacaq. Çünki başqa rəqiblərin “köhlən atlar”a uduzması ehtimalı çox böyükdü. Həmçinin qələbə azarkeş təzyiqinin bir qədər azalmasıyla yanaşı, komandadaxili ab-havanın xeyli yüksəlməsinə səbəb olacaq. Üstəlik Miodraq Bojoviç komandasının əsas rəqibini büdrətməklə tərəfdarların könlünü fəth edə bilər. Axı “Neftçi” son 10 derbidə udmayıb! Sıx qrafikdə irəliləyən Ağdam təmsilçi yenə də favoritdi. Düzdü, “köhlən atlar” cümə axşamı Avropa Liqasının 1/8 finalında “Bayer-04”u qəbul edəcək. Qurban Qurbanovun bu oyunda müəyyən rotasiyalar etməsi gözlənilirdi. Lakin o, əsas heyətə üstünlük verəcəyini dilə gətirdi. Odu ki, “Qarabağ”ın növbəti dəfə derbidən qalib ayrılmaq şansı yüksəkdi.
Ümumiyyətlə, bu komandalar indiyə qədər 93 dəfə qarşılaşıb. Bunların 23-də Bakı, 39-da Ağdam təmsilçisi qələbə qazanıb, 31-də isə “sülh” qeydə alınıb. Topların nisbətində “köhlən atlar” öndədi – 120:83.

2 mart
Zirə - Turan Tovuz 1:1
Ceyhun Nuriyev, 62-p. - Belajdi Pusi, 11.
“Zirə”nin bu rəqiblə ev oyunlarının balansı: 3:+2=0-1, 5:5.
2022/23 – 2:1, 1:3; 2023/24 – 2:1.
Cəzalı: Qismət Alıyev (Zirə).
“Futbol+”in proqnozu: 30-40-30.
Hakimlər: RƏVAN HƏMZƏZADƏ, Namiq Hüseynov, Rahil Ramazanov, İnqilab Məmmədov.
Hakim-inspektor: Rəhim Həsənov.
AFFA nümayəndəsi: Kifayət Mustafayeva.
Zirə, İdman Kompleksinin stadionu. Saat 16.00.

Oyun günü Zirədə başlayacaq. Qəsəbənin eyniadlı təmsilçisi avrokuboklar uğrunda mübarizədə geriləmək istəmir. Komanda əsas kapitan Qismət Aliyevin yoxluğunda qələbə üçün meydana çıxacaq. Rəşad Sadıqov bilir ki, xal itkisi “Səbail”in qələbə qazanmasıyla “qartallar”ı ilk “dördlük”dən uzaqlaşdıra bilər. Odu ki, konkret hədəf 3 xaldı. Ötən həftə “Araz-Naxçıvan”ı darmadağın edən (3:0) kollektivin düşərgəsində əhval-ruhiyyə yüksəkdi. Belədə ev sahibləri bu və doğma meydan amilindən yararlanıb növbəti dəfə sevinə bilər. “Turan Tovuz” turnir cədvəlinin 6-cı pilləsində olsa da, “Sumqayıt”la xal fərqi beşdi. Qısası, ilk, 9 və 10-cu yerlərdən başqa komandaların cədvəldəki yerini dəyişməsi an məsələsidi. Ayxan Abbasov da bundan xəbərdardı və yertirmələrini hər matçda qələbəyə kökləməlidi. Bu dönəmdə qazanılan xal və yə xallar bir neçə həftə sonra həlledici olacaq. Yəni “bozqurd” məhz bu məqamı nəzərə almalıdı. Təbii ki, favoriti “Zirə”di.

Ümumiyyətlə, bu komandalar indiyə qədər 6 dəfə üz-üzə gəlib. Bunların 4-də Rəşad Sadıqovun, 2-də Ayxan Abbasovun kollektivi qalib gəlib. Topların nisbətində “qartallar” öndədi – 10:7.

Sabah – Araz-Naxçıvan 2:0
Emanuel Apeh, 54. Kahim Parris, 90+7-p.
“Sabah”ın bu rəqiblə ev oyunlarının balansı: 1:+0=1-0, 1:1.
2023/24 – 1:1.
Cəzalı: yoxdu.
“Futbol+”in proqnozu: 40-30-30.
Hakimlər: KAMAL UMUDLU, Vüsal Məmmədov, Kamran Bayramov, Fərid Hacıyev.
Hakim-inspektor: Munis Abdullayev.
AFFA nümayəndəsi: Bəhram Qurbanov.
Bakı, “Bank Respublika Arena”. Saat 18.30.

Masazır təmsilçisinin enişdə, yoxsa yüksəlişdə olduğunu müəyyənləşdirmək çətindi. Gah udan, gah uduzan komandanın nə sabit nəticələri var, nə də oyun tərzi. Buna baxmayaraq, toparlanmaq və Konrans Liqasına vəsiqəni təmin etmək üçün ardıcıl xallar qazanmaq lazımdı. Hələ ki İqor Ponomaryovun rəhbərliyi altında meydana çıxan kollektivdən gözləntilər böyükdü. “Sabah” tarixində ilk dəfə bu rəqibi məğlub edə bilər. Hər halda, qarşı tərəf bir neçə həftədi uğursuzluğa düçar olan naxçıvanlılardı. “Qırmızı-ağlar”ın düşərgəsi ümid vermir. Azər Bağırov ya tezliklə futbolçularını özünə gətirməli, ya da mövsümü sonuncu pillələrdən birində bitirmək ehtimalıyla barışmalıdı.

Tərəflər indiyə qədər iki dəfə üzləşib. Bunların 1-də “Araz-Naxçıvan” qələbə qazanıbsa, digərində qalib müəyyənləşməyib. Topların nisbətində Muxtar Respublika təmsilçisi öndədi – 3:1.

1. Qarabağ 25 19 3 3 65-21 60
2. Səbail 25 10 7 8 39-36 37
3. Neftçi 25 10 6 9 28-26 36
4. Sumqayıt 25 9 9 7 24-30 36
5. Zirə 25 9 9 7 18-14 36
6. Sabah 25 9 7 9 35-30 34
7. Turan Tovuz 25 8 8 9 38-35 32
8. Araz-Naxçıvan 25 8 7 10 26-33 31
9. Kəpəz 25 7 5 13 25-42 26
10. Qəbələ 25 4 3 18 18-48 15

Bombardirlər: Olavio Juninyo (Qarabağ) – 15, Aleksandr Ramalinqom (Səbail) – 11.

KƏNAN BAHADIR