Parisdə keçirilən cüdo üzrə "Böyük dəbilqə" turniri davam edir.

"Football-plus.az" xəbər verir ki, yarışın ikinci günündə Azərbaycan millisinin 4 üzvü tatamı üzərinə çıxıb.

İdmançılarımız iki çəkidə mübarizə aparırlar. 73 kq və 81 kq çəkilərin hərəsində iki təmsilçimiz mükafatlar uğrunda yarışır.

"Böyük dəbilqə"
Kişilər
73 kq
Rəşid Məmmədəliyev Kyartan Hreydprssonu (İslandiya) sınağa çəkib. Qələbə qazanan cüdoçumuz növbəti mərhələdə Çingizxan Saqinaliyevi də mübarizədən kənarlaşdırıb. Lakin o, 1/8 finalda kosovolu Akil Qyakovaya uduzub.

İbrahim Əliyev İqor Vandtke (Almaniya) ilə qarşılaşıb və startda məğlubiyyətə üzülüb.

81 kq
Səid Mollayi Alan Abrahamyan (Uruqvay) ilə görüşüb. O, ilk qarşılaşmada qalib gəlsə də, ardınca Dominic Resselə uduzub.

Zelim Tçkayevin startda Husni Taobani (Komor adaları) ilə üz-üzə gəlib. Qələbə qazanan idmançı ardınca Joao Fernando (Portuqaliya), Nuzgari Tatalaşvili (BƏƏ) və Timur Arbuzovu (AİN) məğlub edərək, yarımfinala yüksəlib. Zelim finala gedən yolda Fransua Qotye-Drapeaudan (Kanada) da üstün olub. O, həlledici görüşdə belçikalı Matthias Kasse ilə güləşəcək.

Qeyd edək ki, yarışın ilk günündə tatamiyə çıxan cüdoçularımız medal qazanmayıb.