Birinci divizionda 14-cü tura dünən yekun vurulub. Qış fasiləsindən sonrakı ilk turun ikinci oyun günü maraqlı nəticələrlə yadda qalıb. İlk növbədə "Mil-Muğan"ın "Ağsu" üzərində darmadağını qeyd olunmalıdı. İmişli təmsilçisi rəqibini 4 cavabsız qolla məğlub edib ki, iki futbolçu dubl müəllifi olub. Onu da qeyd edək ki, son iki qol matça əlavə olunmuş dəqiqələrdə vurulub.
İddialılardan "Şüvəlan"la "Binə"nin görüşünün taleyini 1 qol həll edib. Nuqzar Kvirtiyanın 27-ci dəqiqədə vurduğu qol sayəsində şüvəlanlılar 3-cü pilləni ələ keçirib. "Qaradağ Lökbatan” isə 3 xalı çətinliklə əldə edib. Liderlə autsayder arasındakı görüşdə 3 qol qeydə alınıb ki, hamısı ikinci hissəyə təsadüf edib. Həbib Ağayevin yetirmələri hesabı açsa da, 10 dəqiqə sonra üstünlüyü əldən verib. Bununla belə, sona 6 dəqiqə qalmış qələbə topunu vuraraq, səfərdən 3 xalla dönüblər. "Binə"nin turu məğlubiyyətlə başa vurması da lökbatanlıların işinə yarayıb. Qış fasiləsinə 14 xallıq fərqlə yollanan lider artıq ən yaxın izlıyicisindən 15 xal irəlidədi.
Birinci divizion
14-cü tur
16 fevral
Mil-Muğan – Ağsu 4:0
Samir Babayev, 42; 90+1-p. Şahin Əliyev, 77; 90+3.
Şüvəlan – Binə 1:0
Nuqzar Kvirtiya, 27.
Zaqatala – Qaradağ Lökbatan 1:2
Haqverdi Həsənov, 74 - Sabir Allahquliyev, 64. Elvin Adışirinli, 80.
Turun qalan oyunlarının nəticələri: Turan Tovuz – MOİK 1:2 (Elməddin Hüseynzadə, 26 - Kamil Nurəhmədov, 75. Orxan Həsənov, 90+4), Xəzər – Sabah 3:0 (İsa Cəbiyev, 67. Bəxtiyar Soltanov, 73. Tural Qürbətov, 90+2).
1. Qaradağ Lökbatan 14 12 2 0 31-10 38
2. MOİK 14 7 2 5 21-16 23
3. Şüvəlan 14 7 1 6 15-12 22
4. Binə 14 6 3 5 21-13 21
5. Mil-Muğan 14 6 2 6 24-27 20
6. Xəzər 14 5 4 5 14-9 19
7. Turan Tovuz 14 5 3 6 18-20 18
8. Ağsu 14 5 3 6 17-26 18
9. Sabah 14 4 3 7 15-24 15
10. Zaqatala 14 1 1 12 9-28 4
Bombardirlər: Elnur Səmədov (Turan Tovuz), Sabir Allahquliyev (Qaradağ Lökbatan) - 8.
