“Bu il bizim üçün də uğurlu oldu. Yaxşı oyunlarımız, təyinatlarımız oldu. İlə Konfrans Liqasının 1/8 final mərhələsi çərçivəsində keçirilən “Şerif” - “Nitse” görüşü ilə başladıq. Ondan sonra yığmaların iki oyunlarını  idarə etdik. Həmçinin U-21-lərin final qarşılaşmasında da iştirak etdik. Bunlarla yanaşı, seçmə və qrup mərhələsinin oyunlarına da təyinat aldıq. Şükürlər olsun ki, sonda Çempionlar Liqasının qrup mərhələsinin qarşılaşmasını (“Srvena Zvezda” – “Mançester Siti” – red.) idarə etmək də nəsib oldu. Hesab edirəm ki, hakimlik baxımından uğurlu ilimiz oldu. Yerli çempionatı da yaxşı başa vurduq. İkinci dövrədə bizi maraqlı qarşılaşmalar gözləyir. Birhəftəlik istirahətdən sonra yenidən məşqlərə başlayırıq. Çünki çempionat tez başlayır. Ona görə də tezliklə hazır olmaq lazımdı”.