“Turnirdə iştirak edənlər idman jurnalistləridi. Dünən baş verən qəzadan sonra əksəriyyəti müraciət etdilər ki, turnirə gəlmək əhvalında deyilik. Üstəlik təşkilatçı kimi bizim üçün də ayıb olardı ki, belə məqamda mükafatlandırma təşkil edək, sevinək, bayram edək. Bu turnirin oyunları kimi, yekunu da bayram əhval-ruhiyyəsində olmalıdı. Həmin qəzada xəsarət alanların hər biri həm insani keyfiyyətlərinə görə, həm də Azərbaycan futbolu üçün işçi-kadr baxımından çox dəyərlidi. Hər biri də turnirdə iştirak edən jurnalistlərin dostu, yaxınıdı. Hətta iştirakçılar arasında qardaşı olan da var. Bunları nəzərə alıb, turnirin son oyunlarını və mükafatlandırma mərasimini başqa vaxta keçirdik. İştirakçıların əksəriyyəti də bunu anlayışla qarşıladı. Yəni dostlarımızın çətin günündə onların yanında olmalı, onlara yaxın olmalıyıq. Allahdan hamısına şəfa diləyir, xəstəxanadan tezliklə ailələrinin, iş kollektivinin yanına dönmələrini arzulayırıq. Bizim üçün çox dəyərlidirlər”.