Ukrayna basketbol çempionatının yüksək dəstəsində 17-18-ci turların oyunları keçirilib. “Kremen” bu liqanın reqlamentinə uyğun olaraq, “Xarkovskie Sokolı” ilə iki dəfə qarşılaşıb. “Kremen” ilk görüşdə 104:85 hesablı qələbəyə sevinib. Parket üzərində 18 dəqiqə qaçan Amil Həmzəyev 10 xal, 5 ribaund və 3 məhsuldar ötürməyə imza atıb. “Kremen” növbəti qarşılaşmada minimal hesabla rəqibini üstələyib – 95:94. Həmyerlimiz bu dəfə 33 dəqiqə meydanda olub və hesabına 10 xal, 4 ribaund və 3 ötürmə yazıb. 30 xalla ilk “3-lüy”ü qapayan “Kremen” növbəti turda “Dnepr”in qonağı olacaq.