Bu gün İranın Mazandaran ostanında şahmat üzrə 26-cı “Fajr Sabalan Cup” turniri start götürəcək. A qrupunda 14 ölkədən 81 şahmatçı, o cümlədən 12 qrossmeyster mübarizə aparacaq. “Masters” turnirində ölkəmizi qrossmeyster Azər Mirzəyev təmsil edəcək. B turnirində 14 ölkədən 150 şahmatçı yarışacaq. 14 yaşlı ustalığa namizəd Mələk İsmayıl bu qrupda uğur qazanmağa çalışacaq. İsveçrə sistemi üzrə keçiriləcək turnir 11 turdan ibarət olacaq.