Milli Məclisdə oturanlar ölkədəki futbol siyasətindən narazıdı
Noyabrın 6-da Milli Məclisdə Gənclər və idman, Əmək və sosial siyasət, Aqrar siyasət, Regional məsələlər, Təbii ehtiyatlar, energetika və ekologiya komitələrinin birgə iclası keçirilib.
Burda bəzi deputatlar futbolla bağlı narazılıqlarını dilə gətiriblər. Millət vəkili İltizam Yusifov Şirvan stadionunun inşasının yarımçıq qalmasına etiraz edib:
"3 ildi bu məsələni aktual saxlayıram. Bir çox futbolçular yetişdirən Şirvanın stadionu yoxdu. Daha dəqiqi, stadionun 80 faizi yaradılıb. Yerdə qalan hissəsi 15 ildi həll olunmur”.
Ramil Həsən da Ucarda stadionun olmaması haqda danışıb:
"98 min əhalisi olan Ucarda arena yoxdu. Böyük əhalisi olan rayonun stadiona ehtiyacı var. Gənclərin pis vərdişlərə aludə olmaması üçün bu mütləq vacibdi. Ucar aran rayonudu və işsizlik problemi var”.
Düzdü, hər iki deputat təmsil etdikləri şəhərlər və rayonların problemindən danışıblar. Lakin bu işartıdı. Artıq millət vəkillərinin də ölkədəki futbol siyasətindən narazılığını müşahidə edirik. Yəqin ki, AFFA və AGİN rəsmiləri ölkədəki stadion problemi ilə bağlı ölçü götürəcək. Çünki millət vəkillərinin Milli Məclisdə bununla bağlı fikirlər səsləndirməsi böyük siqnaldı. Baş verən proseslər 2024-cü ildə böyük dəyişiklərin olacağını söyləməyə əsas verir. Yəqin ki, futbolun başbilənləri Milli Məclisdə səslənən tənqidləri idman jurnalistlərinin illərdi səsləndirdiyi problemlərdən fərqli qulaqardı etməzlər.
İLKİN SULTANLI
Digər xəbərlər
