“Azərreyl” heyətinə iki gənc voleybolçu qatıb. Daha doğrusu, ölkə çempionu əvəzedici heyətdən iki oyunçunu əsas komandaya cəlb edib. 16 yaşlı Yelina Babayeva hücumçudusa, ondan bir yaş böyük olan Səmra Qafarova toppaylayıcıdı. Maraqlıdı ki, hər iki voleybolçunun boyu 176 sm-di. Bununla da Famil Ağayevin komandasında oyunçuların sayı 11-ə çatıb. Heyətdə Viktoriya Dyedkova, Alla Politanska, Anna Dovqopolyuk, Svetlana Dorsman, Yekaterina Jidkova, Nərmin Fərəcova, Aynur Kərimova, Valeriya Məmmədova və Şəfaqət Həbibovanın yer aldığını da xatırladaq.
Bu arada voleybol üzrə qadınlar və kişilər arasında 1-ci divizionda növbəti oyunlar keçirilib. Qadınlardan fərqli, kişilərin yarışında görüşlər gərgin mübarizə şəraitində keçib. Nəticələrlə tanış olun:
Kişilər
İqtisadçı – Əlincə 3:2, AzTU – Astoriya 2:3, Taleh A.T – BDU 3:0
Qadınlar
Xətai – Dəmiryolçu 0:3, UNEC – Azərreyl-1 3:0, Azərreyl-2 – Azəri 3:0, Baku Stars – BDU 3:0
Növbəti oyunlar fevralın 3-4-də keçiriləcək.