"İki ölkə arasında əməkdaşlıq müqaviləsi imzalanacaq" - Alper Cavit Kabakçı
“May ayında Mingəçevirdə “Prezident kuboku”nda iştirak etmişdik. Təkrar burda olmaqdan məmnunuq”.
"Football-plus.az" xəbər verir ki, bu sözləri Türkiyə Kanoe və Avarçəkmə Federasiyasının prezidenti Alper Cavit Kabakçı “Mingəçevir reqatası”ndan danışarkən deyib.
O, hər il yarışa olan marağın daha da artdığını vurğulayıb:
"Hər il yarışın səviyyəsi daha da artır, iştirakçı sayı çoxalır. Burda hər zaman qardaşlarımızla olmaqdan qürur duyuruq. Azərbaycan millisi iyulda Türkiyədəki yarışda iştirak etmişdi”.
Kabakçı bildirib ki, oktyabrın 27-də Türkiyə Kanoe və Avarçəkmə Federasiyası ilə Azərbaycan Kanoe və Avarçəkmə Federasiyası arasında əməkdaşlıq müqaviləsi imzalanacaq:
“Sabah gənclər və idman naziri Fərid Qayıbov, Türkiyə Kanoe və Avarçəkmə Federasiyası ortaq bir əməkdaşlıq müqaviləsi imzalayacağıq. Önümüzdəki illərdə iki ölkənin kanoe və avarçəkmə fəaliyyətlərində işbirliyini daha da artıracağıq. Burda iştiraka görə bizə dəstək olan Vüqar Əhmədova, Türkiyə İdman Nazirliyinə və təşkilatçılara təşəkkürümü bildirirəm. Yarışda iştirak edən bütün ölkələrə uğurlar arzu edirəm”.
Xatırladaq ki, “Mingəçevir reqatası-2023” beynəlxalq turniri oktyabrın 27-də başa çatacaq.
Digər xəbərlər
