“Heç kimə sirr deyil ki, futzalda oyunçu qıtlğı var. Bəyəndiklərimiz böyük futbolda çıxış edir və bizə gəlmək istəmir. Bu gün təkcə özlərinə uğurlu karyera qura bilməyənlər futzala üz tutur. Onda da çox gec olur. İnanıdırm sizi, 17-18 yaşlı oyunçuların çoxu sadə tapşırıqların belə öhdəsindən gələ bilmir. Çətinliklər də məhz burdan başlayır. Futzalda aşağı yaş qruplarının olması vacibdi. Əlimizdən gələni edirik ki, bacarıqlı futzalçılar yetişsin. Lakin onlar da nəsə öyrənən kimi böyük futbola qaçır”.

“Çox motivaslıyıq. Rəqibdən mütləq xal almalıyıq. Yeni qurulmasına baxmayaraq, heyətlərində təcrübəli futzalçılar var. Ümumiyyətlə, bizdən başqa bütün komandalarda çox bacarıqlı oyunçular çıxış edir. Ən güclüləri isə “Araz-Naxçıvan”, “Baku Fire” və “Neftçi” İK-dı. Mövsümün ilk matçında “Record club”dan xal almağı bacarmışıq. Bunun davamını gətirməliyik.

Komandanın adı U-19 olsa da, bəzən 17-18 yaşlılara da şans verirəm. Nə edək? Təcrübəli futzalçımız yox kimidi. Yüksək liqada autsayderik. Düzdü, qələbə qazanmaq xoş hisslərdi, amma iştirakımızın əsas məqsədi oyunçuların təcrübə toplamasıdı”.