Şahmat üzrə ölkə çempionatı başa çatıb. Yanvarın 23-də 8-ci turun oyunları keçirilib. Rəvan Əliyev (2283) – Elvin Bayramov (2180), Atilla Eynullayev (2149) – Əhməd Əhmədzadə (2297) görüşündə qalib müəyyənləşməyib. Abdulla Qədimbəyli (2415) İsmayıl Şahəliyevi (2404), Nail Bəşirli (2391) Kənan Qarayevi (2260), Məhəmməd Muradlı (2376) Sadiq Məmmədovu (2314), Xəzər Babazadə (2166) Altay Eynullayevi (2121), Gövhər Beydullayeva (2230) Şəhriyar İsgəndərovu (2122), Murad İbrahimli (2302) Aydın Süleymanlını (2259), Vüqar Əsədli (2470) isə Read Səmədovu (2007) üstələyib.
Dünən isə sonuncu – 9-cu turun görüşləri keçirilib. Liderlər qrupunda yer alan 3 şahmatçıdan ikisi qələbə qazanıb. Qədimbəyli Bayramovu, Əliyev isə Beydullayevanı məğlub edib. Əlavə göstəricilərə görə Qədimbəyli ilk dəfə ölkə çempionu olub. Belədə Rəvan gümüş medalla kifayətlənib. Digər partiyalara gəlincə, İbrahimli Babazadədən, Məmmədov Əhmədzadədən, Əsədli İsgəndərovdan güclü olub. Atilla Süleymanlını məyus edibsə, qardaşı Altay Səmədovla “sülh bağlayıb”.
Yekun sıralama: 1. Qədimbəyli - 7, 2. Əliyev – 7, 3. Muradlı – 6, 4. Bəşirli – 6, 5. Bayramov – 5, 6. Şahəliyev – 5, 7. İbrahimli – 5, 8. Babazadə - 4,5, 9. Qarayev – 4,5, 10. Beydullayeva – 4,5, 11. Əsədli – 4,5, 12. Məmmədov – 4,5, 13. Al.Eynullayev – 4, 14. Əhmədzadə - 3,5, 15. Süleymanlı – 3, 16. At.Eynullayev – 2,5, 17. Səmədov – 2,5, 18. İsgəndərov – 2.