Azərbaycanın 10 boksçusu Monteneqronun Budva şəhərində keçiriləcək Avropa Kubokunda iştirak edəcək.

"Football-plus.az" xəbər verir ki, 6 gün davam edəcək yarışın püşkatması bu gün atılacaq və oktyabrın 8-də startı veriləcək.

Turnirdə baş məşqçi Pedro Roke və böyük məşqçi Nəriman Abdullayevin rəhbərliyi altında Tural Sarıyev 48 kq-da, Nicat Hüseynov 54 kq-da, Şamil Əskərov 57 kq-da, Tayfur Əliyev 60 kq-da, Malik Həsənov 63,5 kq-da, Sərxan Əliyev 71 kq-da, Nəbi İsgəndərov 67 kq-da, Mirşərif Kazımzadə 75 kq-da, Eldar Quliyev 86 kq-da və Rauf Rəhimov 92 kq-da qüvvələrini sınayacaqlar. Yarışın final görüşləri ayın 14-da keçiriləcək.