Dünən Çempionlar Liqasının qrup mərhələsinin 2-ci turu çərçivəsində ''Barselona'' səfərdə Ferran Torresin qolu ilə ''Portu'' üzərində mühüm qələbə qazandı.

“Football-plus.az” xəbər verir ki, bu qarşılaşmada yaşıl meydanlarda nadir hallarda rast gəlinən bir hadisə yaşandı. Öncə qeyd edək ki, ''Barsa''lı Yamin Lamal adını turnirin tarixinə yazdırdı. 16 yaş 83 günlüyündə meydana çıxan Lamal ÇL-də start heyətində oynayan ən gənc futbolçuya çevrildi. Əvvəlki rekord 29 il öncə qeydə alınmışdı. Nigeriyalı Selestin Babayaro 1994-də bu turnirdə 16 yaş 86 günlüyündə start heyətində oynamışdı. Amma Lamal adını tarixə yazdırdığı qarşılaşmada həm də olduqca qəribə bir hərəkətə imza atdı. İkinci hissənin əvvəllərindən etibarən qarın ağrısı ilə oynayan gənc futbolçu 71-ci dəqiqədə oyun davam edərkən birbaşa ayaq yoluna qaçdı.

Ən maraqlısı odu ki, Lamal 80-ci dəqiqəyə qədər meydana qayıtmadı və ''Barsa'' 10 dəqiqəyə yaxın azlıqda oynamaq məcburiyyətində qaldı! 80-ci dəqiqədə isə baş məşqçi Xavi Ernandes nəhayət, Lamalın yerinə Markos Alonsonu meydana buraxdı. Xavi oyundan sonra Lamalın başına gələnlər haqda danışaraq bunları dedi: