Futzal üzrə ikinci liqada 14-cü turun oyunları keçirilib. Bazar ertəsi Bakı İdman Sarayında baş tutan günün ilk oyunu məhsuldar alınsa də, komandalar hərəyə cəmi 1 xalla kifayətlənib. Halbuki “Dalğa” ilə “Ulduz”un duelində qapılara 16 (!) qol vurulub. “Metropoliten” mövsümdə ilk qələbəsini qazanıb. Liderin oyunu da məhsuldar alınıb. LSS buna qədər qələbələri sıralasa da, “Obolon”a müqavimət göstərə bilməyib. Liderin ən yaxın izləyicisi VİP də “Obolon”dan geri qalmayıb. Yeri gəlmişkən, VİP-lə “Baker Hughes”in oyununda əlamətdar hadisə baş verib. Belə ki, cari mövsümdə 1000-ci qol məhz bu matçda vurulub. Bu tura qədər qapılardan 973 top keçirilmişdi. VİP-in 9:2 hesablı qələbəsi ilə bitən oyunda vurulan 4-cü qol yubiley - 1000-ci qol olub. Qolun müəllifi isə matçın 23-cü dəqiqəsində fərqlənən VİP-in üzvü Nicat Abdullayevdi. “Baku Fire-2” turnir cədvəlində qonşusu olan “İçəri Şəhər”lə bacarmayıb. Nominal qonaqların qələbəsi bir pillə irəliləməsinə də şərait yaradıb. “Rezident.az” - “Bədr Xocalı” duelində qapılara 12 qol vurulub. Bu qədər qolun vurulması qalibin müəyyənləşməsi üçün yetərli olmayıb. Onu da vurğulayaq ki, ilk “3-lük”dəki komandalardan yalnız “Bədr Xocalı” qələbə qazana bilməyib. “Təbriz” isə özündən üst sırada qərarlaşan “Avanqard”ı xalsız qoyub. Günün son oyununda “Hövsan” növbəti qələbəsini qazanıb və turnir cədvəlindəki mövqeyini bir qədər də yaxşılaşdırıb.
Turun nəticələrini nəzərinizə çatdırırıq:
Ulduz – Dalğa 8:8
Metropoliten – Advokat 4:3
Obolon – LSS 7:2
VİP FK – Baker Hughes 9:2
Baku Fire-2 – İçəri Şəhər 3:6
Rezident.az - Bədr Xocalı 6:6
Avanqard - Təbriz 1:4
Hövsan - Gənclik İK 5:3
Yeri gəlmişkən, 15-ci turun oyun cədvəli də açıqlanıb. Birinci dövrənin sonuncu turu yanvarın 27-28-də Bakı İdman Sarayında keçiriləcək. Artıq indidən bəllidi ki, tur təxirəsalma ilə baş tutacaq. Belə ki, “Ulduz” – “Advokat” qarşılaşması qeyri-müəyyən vaxta təxirə salınıb. Buna səbəb “Ulduz”un yanvarın 27-dən fevralın 3-dək İspaniyada eşitməqüsurlu əlillərdən ibarət komandalar arasında Çempionlar Liqasının qrup mərhələsinin oyunlarında iştirak etməsidi. Turun oyun cədvəlini diqqətinizə çatdırırıq:
27 yanvar
16.00. LSS - VİP FK
17.00. Gənclik İK - Obolon
18.00. Təbriz - Baku Fire-2
19.00. İçəri Şəhər - Hövsan
20.00. Bədr Xocalı - Avanqard
28 yanvar
12.00. Dalğa - Rezident.az
13.00. Baker Hughes – Metropoliten
1. Obolon 14 13 1 0 94-20 40
2. VİP FK 14 12 0 2 80-30 36
3. Bədr Xocalı 14 10 1 3 85-42 31
4. LSS 14 9 1 4 70-44 28
5. İçəri Şəhər 14 9 1 4 87-60 28
6. Təbriz 14 8 2 4 88-55 26
7. Baku Fire-2 14 8 1 5 71-37 25
8. Avanqard 14 7 2 5 77-43 23
9. Hövsan 14 7 2 5 76-72 23
10. Rezident.az 14 7 1 6 73-71 22
11. Dalğa 14 5 4 5 55-46 19
12. Gənclik 14 4 0 10 45-86 12
13. Ulduz 14 2 2 10 57-112 8
14. Metropoliten 14 1 1 12 43-106 4
15. Baker Hughes 14 0 1 13 27-103 1
16. Advokat 14 0 1 13 22-123 1
MİRAĞA