Bu gün Misli premyer-liqasının 8-ci turuna start verilib.

"Football-plus.az" xəbər verir ki, ilk oyun günündə bir qarşılaşma baş tutub. “Qarabağ” “Sumqayıt”ı qəbul edib. “CBC Sport” həmişə olduğu kimi, bu oyunu da canlı yayınlayıb.

Misli premyer-liqası
1-ci dövrə, 8-ci tur
29 sentyabr
Qarabağ – Sumqayıt 5:0
Olavio Juninyo, 22, 28,Toral Bayramov, 42 (p.), Leandro Andrade, 44, Abdullah Zubir, 50
“Qarabağ”ın bu rəqiblə ev oyunlarının balansı: 22:+19=1-2, 56:12.
2011/12 – 1:2; 2012/13 – 3:0; 2013/14 – 5:1, 3:0; 2014/15 – 2:0, 1:0; 2015/16 – 2:2, 1:0; 2016/17 – 3:0, 2:1; 2017/18 – 4:1, 2:0; 2018/19 – 1:0, 2:0; 2019/20 – 2:0, 1:0; 2020/21 – 6:1, 4:1; 2021/22 – 2:0, 5:0; 2022/23 - 3:1, 1:2.
Cəzalı: Kevin Medina (Qarabağ).
“Futbol+”in proqnozu: 50-30-20.
Bakı. “Azərsun Arena”. Saat 20.00.

Tofiq Bəhramov adına Respublika stadionu təmirə bağlandığından “Qarabağ” yenə ev oyununu “Azərsun Arena”da keçirəcək. Əslində bu məqamın ağdamlıların oyununa hansısa təsiri yoxdu. Lakin tez-tez məkan dəyişmək “köhlən atlar”a problem yarada bilər. Nəzərə alaq ki, ötən mövsümün 4-cü dövrəsində ağdamlılar bu stadionda “Sumqayıt”a məğlub olub. İndi isə durum fərqlidi. “Qarabağ” özünə gəlib və çempionluq yolunda əsas favoritidi. Qurban Qurbanovun komandasının bu görüşdə qələbə qazanmaq potensialı yüksəkdi. “Kimyaçılar” isə özünə gəlməyə çalışır. Çempionata yaxşı başlayan komandanın son turlardakı nəticələri ürəkaçan deyil. Son 4 oyunda qələbəyə həsrət qalan “gənclik şəhəri” təmsilçisinin hücum xəttindəki problem həll olunmur. Erik Sorqa ümidləri doğrultmur.

“Köhlən atlar” bu görüşdə əsas heyət oyunçularına istirahət verə bilər. “Qarabağ”da üç futbolçu zədədən əziyyət çəkir. Söhbət Marko Veşoviç, Bəhlul Mustafaza və Redon Cicadan gedir. Mərkəz müdafiəçisi 3 həftə sonra komandaya qoşulacaq. Monteneqrolu futbolçu 10-12 gündən sonra oyunlara çıxmaq şansı əldə edəcək. Redon Cica isə həftəsonu məşqlərə başlayacaq. Burdan belə anlaşılır ki, Qurban Qurbanov “Sumqayıt”la görüşdə adı çəkilən futbolçuların xidmətindən yararlana bilməyəcək. Kevin Medinanın da cəzalı olması təcrübəli mütəxəssisi sabahkı oyunda çətinə salacaq.
“Kimyaçılar”ın heyətində isə problemli futbolçu, demək olar ki, yoxdu. Samir Abasov bu görüşdə bütün futbolçuların xidmətindən yararlana bilər.
Rəqiblər Azərbaycan çempionatlarında indiyə kimi 43 dəfə üz-üzə gəlib. Bu görüşlərin 32-də “Qarabağ”, 6-da “Sumqayıt” qələbə qazanıb. 5 oyunda isə heç-heçə qeydə alınıb. Topların nisbətində də “köhlən atlar” öndədi – 103:21.