Əliyar Ağayev: “Mənlə bağlı heç bir mənfi hal qeydə alınmadı”
UEFA-nın sentyabrın 3-6-sı aralığında İsveçrənin Nyon şəhərində Elit və 1-ci kateqoriyalı FİFA hakimləri üçün payız toplanışı təşkil edəcəyini xəbər vermişdik.
Tədbirdə Elit kateqoriyalı hakimlər və 1-ci kateqoriyaya malik olanların bir qrupu iştirak edəcəkdi. FİFA hakimi Əliyar Ağayev də “football-plus.az”a açıqlamasında Nyona dəvət edildiyini demişdi.
Görəsən, toplanış necə keçib? Təcrübəli referi sınaqların öhdəsindən gələ bilib?mi Bu sualları Əliyar Ağayevə ünvanladıq. Hakim artıq Azərbaycana qayıtdığını və hər şeyin yaxşı olduğunu dedi:
"Bilindiyi kimi, ildə payızda və qışda olmaqla iki toplanış keçirilir. Bu da onlardan biri idi. Şükür Allaha, bütün sınaqlardan üzüağ çıxdım. Normativlər qaydasındadı. Fəaliyyətimə qaldığım yerdən davam edəcəm. Təbii ki, həmişə daha yaxşısını etmək üçün çalışmaq lazımdı. Mənlə bağlı heç bir mənfi hal qeydə alınmadı. Təyinatlar həmişəki kimi öz axarıyla irəliləyəcək. Hətta toplanışa qatılmayan bəzi hakimlərə də cari mövsümdə şanslar veriləcək. Özüm də öhdəliklərimi layiqincə yetirməyə davam edəcəm".
KƏNAN BAHADIR
Digər xəbərlər
