Bu gün Misli premyer-liqasında 2023/24 mövsümü start götürüb.

"Football-plus.az" xəbər verir ki, ilk oyunda bölgə klubları meydana çıxsa da, qarşılaşma Bakıda keçirilib. “CBC Sport” yenə də çempionatın əsas yayınçısıdı.

Misli premyer-liqası
1-ci dövrə, 1-ci tur
4 avqust
Araz-Naxçıvan – Turan Tovuz 0:2
Martin Petkov, 53, 87, Otto Con, 67
"Araz-Naxçıvan": 91. Semir Bukviç, 6. Vadim Abdullayev, 10. Orxan Əliyev, 3. Turan Manafov, 55. Zamiq Əliyev, 2. Abdulla Rzayev, 29. Vanderson Melo, 23. Nuno Rodriqes, 42. Kadiri Mohammed, 14. Miço Kuzmanoviç, 27. Numan Kurdiç (k).
Ehtiyat oyunçular: 1. Vüsal Şabanov, 7. Nicat Süleymanov, 22. Elçin Mustafayev, 5. Nihad Qurbanlı, 44. Həzrət İsayev, 88. Tuqay Əlizadə, 11. Bayraməli Qurbanov, 13. Mirəli Əhmədov, 9. Elvis Maşike, 8. İsmail Azzaui.

“Turan Tovuz”: 13. Aydın Bayramov, 4. Şəhriyar Əliyev (k), 2. Sertan Taşkın, 10. Xəyal Nəcəfov, 77. Fərid Nəbiyev, 5. Roderik Miller, 23. Alexandro Serrano, 25. Denis Marandiçi, 6. Bruno Qonçalves, 30. Otto Con, 79. Martin Petkov.
Ehtiyat oyunçular: 1. Tərlan Əhmədli, 85. Kamal Bayramov, 3. Tərlan Quliyev, 39. Sadiq Quliyev, 18. Budaq Nəsirov, 88. Faiq Hacıyev, 99. Veysəl Rzayev, 60. Səbayıl Bağırov, 15. Vüsal Məsimov, 8. Piruzi Marakvelidze, 9. Belajdi Pusi, 11. Ayxan Quseynov.
“Araz-Naxçıvan”ın bu rəqiblə ev oyunlarının balansı: indiyə kimi qarşılaşmayıblar.
Cəzalı: yoxdu.
“Futbol+”in proqnozu: 30-30-40.
Hakimlər: İNQİLAB MƏMMƏDOV, Namiq Hüseynov, Asiman Əzizli, Kamran Əliyev.
VAR hakimi: Rəvan Həmzəzadə.
VAR hakiminin köməkçisi: Müslüm Əliyev.
Hakim-inspektor: Vüsal Əliyev.
AFFA nümayəndəsi: Elgiz Abbasov.
Bakı. “Dalğa Arena”. Saat 20.00.

Bir çoxları qeyd edir ki, 2023/24 mövsümü Azərbaycan futbol tarixinin ən maraqlı çempionatı olacaq. Məhz bu turnir “Araz-Naxçıvan” – “Turan Tovuz” görüşü ilə start götürəcək.

Əslində bu oyun “Dalğa Arena”da yox, Naxçıvan Muxtar Respublikasındakı şəhər stadionunda keçirilməliydi. Amma həmin arena hazırda premyer-liqa standartlarına uyğun gəlmədiyi üçün “qırmızı-ağlar” paytaxta köçüb. “Araz-Naxçıvan”da yeganə problem stadionla bağlı deyildi. Mövsümün başlamasına 25 gün qalana qədər normal kollektiv formalaşmamışdı. İyulun 12-də Ramin Axundov klubun İdarə Heyətinin sədri və prezidenti oldu. Bundan sonra “qırmızı-ağlar”da işlər sürətləndi. Klubun loqosu və sponsoru dəyişdi, komanda Qəbələdə təlim-məşq toplanışı keçdi, əcnəbi futbolçular transfer olundu. Əvvəllər bir çoxları “Araz-Naxçıvan”ı autsayder kimi görürdüsə, indi vəziyyət tam fərqlidi. Klubun düşərgəsindən verilən açıqlamalarda komandanın hətta avrokuboklar uğrunda mübarizə aparacağı söylənilir.

“Turan Tovuz”da isə işlər qaydasındadı. Ötən mövsümün sürpriz komandası indi daha iddialıdı. Futbol ictimaiyyəti “Hünər Group”un maliyyələşdirdiyi kollektivin yeni “futbol ili”ndə daha iddialı olacağını düşünür. Ayxan Abbasovun rəhbərlik etdiyi komanda heyətini bir qədər də gücləndirib. Türkiyədəki təlim-məşq toplanışında da tovuzlular yaxşı rəqiblərlə gücünü sınadı.

Çempionatın ilk oyunu ilə bağlı proqnoz vermək bir qədər çətindi. Bu qarşılaşmada hər şey baş verə bilər. Lakin “Turan Tovuz”un ötənilki performansını, Ayxan Abbasov amilini, Azər Bağırovun məşqçi kimi premyer-liqada debüt etdiyini nəzərə alsaq, qonaqların bir qədər üstün olduğunu söyləyə bilərik.