Ölkəmizin futbol yığmasının daha bir yoldaşlıq oyunu keçirəcəyi dəqiqləşib. Qurban Qurbanovun komandası Antalyadakı təlim-məşq toplanışı çərçivəsində ilk matçına yanvarın 30-da çıxacaq. 2018-in ilk qarşılaşmasındakı rəqib Moldova olacaq. Bu Qurbanovun yığmanın baş məşqçisi postunda debüt matçı kimi tarixə düşəcək. Millinin fevralın 2-də Gürcüstanla qarşılaşacağını da vurğulayaq. Hər iki oyun “Mardan” stadionunda keçiriləcək və Bakı vaxtı ilə saat 20.00-da başlayacaq.
Qeyd edək ki, Moldova ilə indiyədək 9 dəfə üz-üzə gəlmişik. Bunlarda yalnız ikisi rəsmi oyunlara təsadüf edib. Qalan görüşlər isə yoldaşlıq xarakteri daşıyıb. Ümumilikdə 9 oyundan üçündə moldovalılar, ikisində bizimkilər qələbə qazanıb. Qalan 4 oyun isə heç-heçə başa çatıb.