U-21 ilə yanaşı, 17 yaşadək futbolçulardan ibarət milli də qış fasiləsində təlim-məşq toplanışı keçirəcək. Ramin Quliyev komandasını özünə tanış məkana - Qəbələyə aparacaq. Yanvarın 8-dən 22-dək davam edəcək toplanışa 28 futbolçu dəvət alıb. Quliyev heyətə yalnız yerli klublarda çıxış edənləri çağırıb ki, namizədlərin əksəriyyəti elə "Qəbələ"nin üzvləridi: Vüsal Şabanov, Müşviq Nadirov, Nemət Şıxamirov, Rüfət Əhmədov, Nika Baçaliaşvili, Nazim Həsənzadə, Veysəl Rzayev, Çingiz Məmmədov, Samir Məhərrəmov, Kamal Kazımov, Rauf Məhərrəmov (hamısı “Qəbələ”), Mahir Həsənov, Mirəli Əhmədov, Fərid Yusifli, Valeh Qəhramanlı (hər ikisi “Neftçi”), Ramin Məhərrəmov, Fərid Muxtarov, Samir Abdullayev, Şirin Şirinov (hamısı “Keşlə”), Məhəmməd Əhmədov, Emil Quluzadə, Bəhruz Tanrıverdiyev (hamısı “Vətən”), Nemət Musayev (Kəpəz), Musa Qurbanlı (Qarabağ), Murad Əhmədov (“Neftçi” İK), Cəlal Cəbrayılov (Sumqayıt), Fərid Xasıyev (Turan Tovuz), Samir Qasımov (Zirə).