Birinci divizion təmsilçisi "Xəzər"də baş məşqçi Elşad Əhmədovun köməkçiləri müəyyənləşib. Bu vəzifəyə Rövşən Babayev təyin olunub. Qapıçıların hazırlığına isə Kamil Qafarov cavabdehlik daşıyacaq.
"Xəzər" həmçinin qış fasiləsində növbəti transferini reallaşdırıb. Yunis Hüseynovun "Kəpəz"dən uzaqlaşdırdığı Aydın Qasımovla mövsümün sonuna qədər müqavilə imzalanıb. 24 yaşlı yarımmüdafiəçinin AZAL, “Qaradağ Lökbatan” və MOİK-in şərəfini qoruduğunu da xatırladaq.
