Sizin reklam burada

Polina Rəhimovanın komandası vahid lider oldu

Title
Polina Rəhimovanın komandası vahid lider oldu
Fransadakı yığma üzvlərinin məhsuldarlığı artır
Türkiyə voleybol çempionatında 8-ci turun oyunları keçirilib. “Fənərbaxça” İstanbulda çempionluq yolunda əsas rəqiblərindən sayılan “Əczaçıbaşı”ya qalib gəlib – 3:2 (25:23, 25:20, 28:30, 17:25, 15:11). Polina Rəhimova 11 xalla qələbədə pay sahibi olub. “Seramiksan” evdə “İlbank”a aman verməyib – 3:0 (25:18, 25:19, 26:24). Odina Bayramova 6 xala sevinib. “Beşiktaş” İstanbulda “Bəylikdüzü”nü məğlub edib - 3:2 (25:22, 25:23, 17:25, 19:25, 15:13). Yana Kulan yeni əməliyyat olunduğundan meydana çıxmayıbsa, Marqarita Əzizova “Qartal”a 2 xal qazandırıb. “Fənər” 23 xalla vahid liderdi. “Beşiktaş” 11 xalla 6-cı, “Seramiksan” 10 xalla 7-ci, “Bəylikdüzü” isə 7 xalla 10-cu pillədə qərarlaşıb. Növbəti turda “sarı-lacivərdlilər” titul yolunda digər rəqibi “Vakıfbank”ın, “ağ-qaralar” “Çanakkale Bələdiyəsi”nin qonağı olacaq. “Seramiksan” İstanbulda “Əczaçıbaşı”nı, “Bəylikdüzü” “Qalatasaray”ı büdrətməyə çalışacaq.
Fransa çempionatında isə 6-cı tur geridə qalıb. “Le-Kann” evdə “Kann”a uduzub – 1:3 (25:18, 16:25, 21:25, 19:25). Alyona Həsənova 15 xalla komandasının ən məhsuldar voleybolçusu olub. “Venel” isə səfərdə “Evre”ni darmadağın edib – 3:0 (25:22, 30:28, 25:22). Anastasiya Qurbanova 19 xalla qarşılaşmanın ən məhsuldar voleybolçusu olub. “Le-Kann” 10 xalla ilk “5-liy”i qapayırsa, “Venel” bu komandadan 1 xal və 1 pillə geridi. Növbəti turda “Le-Kann” lider “Beyzers”in qonağı olacaqsa, “Venel” azarkeşləri önündə “Mülhauz”la münasibətləri aydınlaşdıracaq.
Bu arada Çempionlar Liqasının qrup mərhələsinin püşkü atılıb. Polina Rəhimovalı “Fənərbaxça” B qrupunda “Agel” (Çexiya), “Konelyano” (İtaliya) və “Novara” (İtaliya), Natalya Məmmədovanın şərəfini qoruduğu Kazan “Dinamo”su isə D qrupunda “Qrot” (Polşa), “Vakıfbank” (Türkiyə) və “Qalatasaray”la (Türkiyə) münasibətləri aydınlaşdıracaq. Elit turnirdə qrup oyunları dekabrın 12-də başlayacaq və gələn il fevralın 27-də başa çatacaq.
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.