Voleybol millimizin üzvü Kristina Besman Rusiya mətbuatına müsahibə verib. Hazırda "Tulitsa"da çıxış edən voleybolçu bir çox məsələlərdən danışıb.

"Football-plus.az" olaraq onun fikirlərini müəyyən ixtisarla diqqətinizə çatdırırıq.

- Belarusda anadan olmusuz, Azərbaycan millisində çıxış edirsiz. Finlandiyada oynamısız, indi də Rusiyadasız. Niyə məhz Azərbaycanı seçdiz?

- Həmin vaxt bu mənə ən perspektivli variant kimi göründü. Mənə inanırdılarsa, niyə də yox?! Biz "qızıl" Avroliqanın qalibi olduq. Avropa çempionatında 4-cü yeri tutduq. Olimpiya təsnifat turnirdə Braziliya ilə oynadıq. Xatırlanacaq çox şey var.

- Karyeranız ərzində çox klub dəyişmisiz. Başqa komandaya keçəndə yaddaşda nə qalır?

- Bəzi oyunlar. Amma əsasən insanlar. Tədricən onlar sanki ailəyə çevrilir. Bu üzdən köhnə tanışlarla rastlaşmaq, görüşmək həmişə sevindiricidi.

- İki ildi Tuladasız. Necədi burda?

- Əladı, hər şey ürəyimcədi. Klubda hədəflərin yüksək olması yaxşı haldı. Bu, motivasiyanı artırır. Şəhərdə kofe içmək üçün məkanlar da çoxdu. Bu da xoşuma gəlir.

- "Tulitsa"dan dəvət gələrkən Lipetskdə oynayırdız. Keçidlə bağlı şübhə var idi?

- Heç bir şübhə yox idi. Həmin vaxt mühiti dəyişmək istəyirdim. Üstəlik, yüksək hədəflərlə məni şirnikləşdirdilər. Birbaşa yığmanın düşərgəsindən gəldim. Üç gün sonra isə qubernator kuboku başladı.

- Məşhur tulalı voleybolçu İrina Kirillovanın mövqeyində oynayırsız…

- Haqqında çox eşitmişəm. Azərbaycan millisini onun həyat yoldaşı Covanni Kaprara çalışdırırdı. Mövqeyə gəlincə, uşaq vaxtından belədi. Özü də 2 il oğlanlarla məşq etmişəm. Məşqçi dərhal dedi ki, oyunqurucusu olacaqsan. Yəqin məndə nəsə gördü.

- Vitse-kapitan kimi "Tulitsa"nın çıxışını necə qiymətləndirirsiz?

- Hələ də "artırmalıyıq". Çemionatın son bölümündə yaxşı çıxış etməliyik. Mövsümün bizim üçün uğurlu olub-olmadığı finişdə bilinəcək. İndi isə hədəf pley-offdu.

KƏNAN HƏSƏNOV