"Əvvəla onu deyim ki, rəqibimiz yetərincə hazırlıqlı komandadı. Onlar həm təcrübə, həm də yaş baxımından bizdən üstündü. Bizimkilər 2005-06 təvəllüdlü uşaqlardı. Taciklərin futbolçuları öz ölkələrinin elita klublarında oynayır. Bizimkilər isə əsasən U-19 liqasında çıxış edir. Buna rəğmən, ilk hissədə üstün, yaradıcı oyun sərgilədik. Bir çox qol imkanımız oldu, yararlana bilmədik. Taciklər isə ilk yarıda qapımıza həmlə edə bilmədi. Fasilədən sonra həm rəqibin təcrübəsi, həm də 9 dəyişiklik etməyimiz özünü göstərdi. Ümumilikdə uşaqlardan razı qaldım. Heyətə əsasən ölkə daxində çıxış edənləri dəvət etmişik. Yalnız ikisi kənardan gəlib. Nahid Əliyev Rusiyada, Ceyhun Hacıyev isə Almaniyada çıxış edir. Nəticədən çox hər bir futbolçunun potensialını açmağa və heyəti komplektləşdirməyə çalışırışıq".

"Üç gün ərzində 2-ci matçımıza çıxdıq. Yetirmələrimdə yüklənmələr, yorğunluq vardı. Buna rəğmən, yaxşı çıxış etdilər. Oyunda diqqtə edən tərəf biz idik. Sadəcə, komanda tam komplektləşməyib. Ona görə də bizim üçün belə matçlarda nəticə o qədər də vacib deyil. Əsas futbolçular arasında qarşılıqlı anlaşmanın tam oturmasıdı. Əlimizin altında olan bütün oyunçulara şans verdik. Fevralın 11-də Səudiyyə Ərəbistanı ilə daha bir matçımız olacaq. Hələ ki futbolçular özlərini yaxşı tərəfdən göstərməyə çalışır. İnanıram kı, komanda seçmə mərhələyə kimi istədiyimiz formaya düşəcək".