Sizin reklam burada

“Keşlə”nin avrokuboklarda iştirakına qadağa qoyulmayacaq

Müəllif: football Tarix: 29-10-2017, 10:41 755 Baxış
“Keşlə”nin avrokuboklarda iştirakına qadağa qoyulmayacaq
Səbuhi Məmmədov: “Bu ehtimalın heç bir əsası yoxdu”
Bu gün “İnter Arena”da “Keşlə”nin təqdimatı olacaq. Və 2004-cü ildə “İnter” adıyla premyer-liqada mübarizəyə qoşulan, 2007/08, 2009/10 mövsümünü qızıl, 2008/09 mövsümünü gümüş, 2012/13 mövsümünü bürünc medallarla başa vuran, 2011-in yanvarında Rusiyada “Birlik kuboku”na sahib olan komanda bundan sonra yeni ad altında mübarizə aparacaq. Söhbət bunda deyil. İstəyirlər gələn il “Keşlə”nin adını dəyişib “3-ün kruqu” qoysunlar, özləri bilərlər. Alan da onlardı, satan da.
İş burasındadı ki, “Keşlə”nin qarşıdakı üç avrokubok mövsümündən kənar qalacağı deyilir. Buna səbəb isə ad dəyişməsidi. Mənbəmizin dediyinə görə, “İnter”in keçmiş legioner futbolçularına olan borcları tam ödənilməyib. Hələ də bir neçə əcnəbiyə verəcəkləri qalıb. Üstəlik, klubun adı UEFA-da qara siyahıdadı. “Keşlə” adının seçilməsi də “İnter”in unutdurulmasına, bununla da borcların heçə endirilməsinə hesablanıb. Hər halda, ehtimal budu. Deyilən kimi olsa, heç şübhəsiz, həm komanda üzvlərinə, həm də ölkə futboluna ciddi zərbə olacaq.
Söylənilənlərin nə dərəcədə doğru olduğunu öyrənmək üçün klubun mətbuat katibi Səbuhi Məmmədovla əlaqə saxladıq. Həmkarımızın məsələnin nədən ibarət olduğunu klub rəhbərliyi ilə dəqiqləşdirəndən sonra bunları söylədi:”Klubun icraçı direktoru Rəmiş Malıyevlə danışdım. Əminliklə deyə bilərəm ki, əcnəbi futbolçulardan heç kimə borcumuz yoxdu. Yəni köhnə borcların hamısı bağlanıb. Yalnız cari mövsüm üçün müəyyən verəcəklərimiz var ki, bu da təhlükə deyil. Hər kəs maaşını alacaq. O ki qaldı “Keşlə”nin avrokuboklarda iştirak etməmək söhbətinə, bu ehtimalın heç bir əsası yoxdu. “Keşlə” “İnter”in hüquqi varisi sayıldığından, keçmişdəki nəticələr klubun hesabında qalır və avrokuboklarda iştiraka heç bir qadağa qoyulmur. Yəni klub sıfırdan yaradılmır. Sadəcə, ad dəyişikliyi edilir. Necə ki vaxtilə “Terek” kimi tanıdığımız komanda sonradan “Axmat”a çevrildi”.
HƏBİB
SON XƏBƏRLƏR