Sizin reklam burada

Region Liqasına noyabrda start veriləcək

Müəllif: football Tarix: 25-10-2017, 13:13 830 Baxış
Region Liqasına noyabrda start veriləcək
Yarış iştirakçılarından ödəniş tələb olunmur
AFFA-nın yeni layihəsi olan Region Liqasının hansı formatda, neçə komandanın iştirakı ilə keçiriləcəyiylə bağlı redaksiyamıza çoxlu zənglər olur. Bizdə olan məlumata görə, assosiasiya rəhbərliyi yeni layihə ilə bağlı bütün işləri millinin sabiq qapıçısı, “Səbail”in Müşahidə Şurasının üzvü Cahangir Həsənzadəyə həvalə edib. Oxucularımızın marağını nəzərə alıb, dünən Həsənzadə ilə əlaqə saxladıq və Region Liqası ilə bağlı sullara cavab tapmağa çalışdıq.
- Bizdə olan məlumata görə, Region Liqası ilə bağlı işlər sizə tapşırılıb. Bu günə kimi neçə komanda AFFA-nın yeni layihəsində iştirak etmək üçün quruma müraciət edib?
- Hazırda əlimin altında sənəd olmadığından sizə dəqiq cavab verə bilməyəcəm. Ancaq məndə olan məlumata görə, Region Liqasında iştirak etmək istəyən klubların sayı çoxdu.
- Söylənilənlərə inansaq, Region Liqasında mübarizə 3 zona üzrə keçirlicək. Bunlar hansı zonalardı?
- İştirakçı sayından asılı olmayaraq, yarışı 3 zona üzrə keçirmək istəyirik. Bunlar Bakı-Şimal, Cənub-Mərkəzi Aran və Qərb və Şimal-Qərb zonalarıdı.
- İcraiyyə Komitəsinin son iclasından sonra 3 zona üzrə 24 komandanın birincilikdə mübarizə aparacağı deyilmişdi. Söylənilən qədər komandanın iştitirak edəcəyinə inanırsız?
- Yenə deyirəm, hələ ki dəqiq say bəlli deyil. Yarışa qatılan komandaların sayı çox da ola bilər, az da.
- Həvəskarlar Liqasında iştirak üçün komandalardan müəyyən məbləğ tələb olunurdu. Region Liqasında bu məsələ necə təmzimlənəcək?
- AFFA-nın əsas məqsədi ölkədə futbolun inkişafı olduğundan, yarışa qatılacaq komandalardan ödəniş tələb olunmur.
- Bizdə olan məlumata görə, sonda Region Liqasının qalibini müəyyənləşdirmək, birinci diviziona yüksəlmək üçün mövsümün sonunda 3 zonanın qalibləri arasında oyunlar keçiriləcək. 3 komanda arasında həlledici qarşılaşmalar hansı şərtlərlə baş tutacaq?
- Hələ ki bu məsələ ilə bağlı yekun qərar verilməyib. Hər şey iştirakçı komandaların sayından asılıdı. Ola bilər, zonalarda 8, ola da bilər, 12 komanda iştirak etsin. Sayından asılı olmayaraq, final mərhələsinə vəsiqə qazanan komandalar dairəvi sistem üzrə qalibi müəyyənləşdirəcək.
- Region Liqası nə vaxt start götürəcək?
- Noyabrda turnirə start veriləcək. Çempionata qatılmaq istəyən komandalar bu ayın sonuna kimi müraciət edə bilərlər.
RƏŞAD
SON XƏBƏRLƏR