Sizin reklam burada

Ölkə çempionunu Danimarkada “döydülər”

Baxış Sayı:525

Ölkə çempionunu Danimarkada “döydülər”
Həndbol üzrə EHF kubokunda 2-ci mərhələnin oyunları keçirilib. Debütdə İsveç “Luqi”sini mübarizədən kənarlaşdıran “Nur” Skandinaviyanın digər təmsilçisinə müqavimət göstərə bilməyib. Əvvəldən məlum olduğu kimi, “Viborq”la hər iki oyun Danimarkada baş tutub. Şənbə günü reallaşan ilk görüşdə komandamız nominal ev sahibi funksiyasını daşıyıb. 771 azarkeşin izlədiyi qarşılaşmanın ilk hissəsi danimarkalıların 19:8 hesablı üstünlüyü ilə başa çatıb. Fasilədən sonra fərqi daha da açan “Viborq” rahat qələbə qazanıb – 38:21. Rəqibin heyətində Amali Hansen 11 qolla ən məhsuldar həndbolçu olub. “Nur”un qollarına Alla Çernişkova (6), Yuliya Kutsevalova (5), Yuliya Taran (4), İrina Klimenko (2), Darya Çapligina, Yelizaveta Fyodorova, Tatyana Potapenko və Valeriya Saenko (hamısı 1 qol) imza atıb.
Dünən isə cavab görüşü keçirilib. Bu dəfə Mingəçevir klubu daha acınacaqlı məğlubiyyətlə üzləşib. 583 azarkeşin canlı izlədiyi oyunun fasiləsinə “Viborq” 22:5 hesablı üstünlüklə yollanıb. Yekunda “Nur” 28 top fərqiylə uduzub – 15:43. Qrete Osterballe 9 qolla darmadağında əsas pay sahibi olub. “Nur”un büsbütün ruslardan qurulmuş heyətində Çaplıgina və Kutsevalova 3, Klimenkoyla Uliana Rassanova 2, Çernişkova, Fyodorova, Saenko, Yuliya Xomenko və Svetlana Vasilyeva isə hərəyə 1 dəfə fərqlənib. Beləliklə, iki oyunun cəmində “Viborq”a 36:81 hesabıyla uduzan ölkə çempionu suyu süzülə-süzülə vətənə qayıdıb.

Oxşar xəbərlər
SON XƏBƏRLƏR