Bu gün İdman Araşdırmalar Mərkəzinin "İlin Qalibləri - 2022" layihəsi üzrə "Qızıl onluq" adlı mükafatlandırma mərasimi keçirilib.

Football-plus.az xəbər verir ki, "Sahil" otelində baş tutan tədbirdə Gənclər və İdman naziri Fərid Qayıbov, PFL prezidenti Elxan Səmədov, AFFA-nın baş katibi Sərxan Hacıyev, "Qarabağ"ın direktoru Əmrah Çəlikəl, Minifutbol federasiyasının prezidenti Taleh Nəsibov, Azərbaycan Dövlət Bədən Tərbiyəsi və İdman Akademiyasının (ADBTİA) idman işləri üzrə prorektoru Fərid Mansurov da iştirak edib.

Qurumun rəhbəri Elşən Məmmədov açılış sözünü dedikdən sonra qaliblər elan olunub:

İlin İdman Xadimi olar Fərid Qayıbov - Gənclər və idman naziri, Avropa Gimnastikasının prezidenti seçilib

Qadınlar arasında "İlin İdmançısı" adına Gövhər Beydullayeva - 20 yaşadək şahmatçılar arasında dünya çempionu layiq görülüb. Kişilərdə bu mükafatın sahibi isə Yunan-Roma güləşi üzrə Avropa və dünya çempionu, 5-ci İslam Həmrəliyi Oyunlarının qalibi Eldəniz Əzizli olub.

İlin məşqçisi adına "Qarabağ"ın baş məşqçisi Qurba Qurbanov layiq görülüb.

Ağdam təmsilçisi isə ilin komandası adına sahib çıxıb.

İlin əcnəbi futbolçusu adına "Qarabağ"ın yarımmüdafiəçisi Kadi Borges layiq görülüb.

İlin futbolçusu "Neftçi"nin kapitanı Emin Mahmudov seçilib.

İlin İdman Yarışı - Yunan-Roma güləşi üzrə Dünya Kuboku seçilib. Minifutbol üzrə yığmamız isə ilin milli komandası adına layiq görülüb.

Xüsusi mükafatlar isə aşağıdakı qurumlara verilib:

Kütləvi idman baxımından İlin Fəal Federasiyası - Azərbaycan Minifutbol Federasiyası
"İlin Qalibləri" layihəsinə daimi dəstək verdiklərinə görə Etibarlı Tərəfdaş - "Report" İnformasiya Agentliyi, "IlAzero" geyim brendi

Qeyd edək ki, "İlin Qalibləri - 2022" layihəsinin baş sponsoru "Azfar Group", sponsoru "IlAzero", təşkilati dəstəkçisi Qusar Olimpiya İdman Kompleksi, informasiya dəstəkçisi isə "Report" agentliyidi.