"Neftçi" Azərbaycan kubokunun 1/4 final mərhələsində qarşılaşacağı “Zirə” ilə cavab matçının hazırlığını başa vurub.

Komanda bu gün “Bakcell Arena”da oyunöncəsi son məşqə çıxıb. Hazırlıq prosesində əsasən toplu və taktiki çalışmalar icra olunub.

Qeyd edək ki, “Neftçi” – “Zirə” oyunu dekabrın 20-si saat 19.00-da “Bakcell Arena”da keçiriləcək. Bu komandalar arasında baş tutan ilk matçda qəsəbə təmsilçisi minimalhesablı qələbə qazanmışdı.