Bu gün keçiriləcək oyunlarla premyer-liqanın 14-cü turuna yekun vurulub.

Football-plus.az xəbər verir ki, gün ərzində daha iki qarşılaşma baş tutub.

Misli premyer-liqası
2-ci dövrə, 14-cü tur
13 noyabr
Kəpəz - Turan Tovuz 0:0
“Kəpəz”in bu rəqiblə ev oyunlarının balansı: indiyə kimi qarşılaşmayıblar.
Cəzalı: Zamiq Əliyev (Kəpəz).
“Futbol+”in proqnozu: 40-30-30.
Hakimlər: RƏŞAD ƏHMƏDOV, Rahil Ramazanov, Vüsal Məmmədov, Əli Əliyev.
Hakim-inspektor: Munis Abdullayev.
AFFA nümayəndəsi: Elçin Məmmədov.
13 noyabr. Gəncə. Şəhər stadionu. Saat 14.30.
Həftənin maraqla gözlənilən görüşlərindən biri də Qərb derbisidi. Mövsümün əvvəli olsaydı, “Turan Tovuz”u aşkar favorit saymaq olardı. Lakin bu gün vəziyyət fərqlidi. “Kəpəz” özünə gəlib və yaxşı oyun nümayiş etdirir. Tovuzluların son turda “Şamaxı”ya uduzması vəziyyəti lap da qəlizləşdirib. Bütün bunları nəzərə alanda gəncəliləri nisbi favorit saymaq olar.

Sabah - Qarabağ 0:0
Cəzalı: Amin Seydiyev (Sabah).
“Futbol+”in proqnozu: 30-30-40.
Hakimlər: FƏRİD HACIYEV, Kamran Bayramov, Müslüm Əliyev, Rauf Allahverdiyev.
Hakim-inspektor: Anar Salmanov.
AFFA nümayəndəsi: Elgiz Abbasov.
13 noyabr. Bakı. “Bank Respublika Arena”. Saat 17.00.

Nəinki turun, ilin, 2-ci dövrənin, bəlkə də mövsümün ən önəmli oyununun astanasındayıq. Komandaların hər biri bu mövsüm çox iddialıdı. “Sabah” illərin əziyyətinin bəhrəsini indi görmək niyyətindədi. “Qarabağ” isə liderliyini sual altına salmaq, büdrətmək istəmir. Sabahkı görüşdə Avropa səviyyəli futbol izləyə bilərik. Bunun üçün hər cür imkan var. Sözsüz, oyunun favoriti ağdamlılardı. Lakin Masazır klubunun da qələbə şansı yetərincə yüksəkdi. Hər halda, “bayquşlar” “Qarabağ” üzərində ilk tarixi qələbəsini qazanmağı çox arzulayır. Bu oyunla bağlı neytral azarkeşlərin də öz maraqları var. “Qarabağ”ın qələbəsi çox güman, bu mövsümün çempionluq intriqasını heçə endirəcək. Amma “Sabah” qələbə qazanarsa, mövsümün sonuna qədər amansız mübarizə izləyəcəyimizi düşünmək olar. Oyunçu aparsın!

1. Qarabağ 14 13 1 0 40-8 40
2. Sabah 14 11 2 1 30-10 35
3. Neftçi 13 8 2 3 26-14 26
4. Qəbələ 13 6 2 5 17-13 20
5. Zirə 13 6 1 6 15-21 19
6. Turan Tovuz 14 4 4 6 10-18 16
7. Səbail 13 2 4 7 11-19 10
8. Şamaxı 14 2 4 8 12-23 10
9. Kəpəz 14 2 3 9 11-29 9
10. Sumqayıt 14 0 5 9 6-23 5

Bombardirlər: Ramil Şeydayev, Musa Qurbanlı (hər ikisi "Qarabağ") – 11, Coy-Lens Mikels (Sabah) – 7, Emin Mahmudov (Neftçi), Runi Eva (Turan Tovuz) - 6.