Sizin reklam burada

“Araz” “Ekol”u da yendi, sırada İranın vitse-çempionudu

Baxış Sayı:618

“Araz” “Ekol”u da yendi, sırada İranın vitse-çempionudu
UEFA Futzal kubokunun əsas mərhələsinə hazırlaşan "Araz" daha bir yoxlama matçı keçirib. Joze Alesio da Silvanın komandası yüksək liqanın daha bir iddialı komandası “Ekol”la qarşılaşıb. Bakı İdman Sarayında baş tutan oyunda Naxçıvan təmsilçisi rəqib qapısından üç cavabsız top keçirib. Komandanın üç qoluna da braziliyalı futzalçılar – Qabriel, Tyaqo və Vilela imza atıb.
Qeyd edək ki, “Araz” bundan əvvəl elitanın debütantları "Marafon" və “İtaldizayn”la gücünü sınamış, müvafiq olaraq, 8:0 və 11:1 hesabı ilə qalib gəlmişdi.
"Araz" qitə turnirinə hazırlıq çərçivəsində iki beynəlxalq oyun da planlaşdırıb ki, hər ikisi bu həftə keçiriləcək. Rəqib isə İran çempionatında ötən mövsümü 2-ci yerdə bitirən Təbrizin komandası "Dabiri" olacaq. Qonaq komanda dünən gecə Bakıya təşrif buyurub. Oyunlar isə 19-u və 21-nə nəzərdə tutulub. Hər iki görüş Bakı İdman Sarayında baş tutacaq.
Xatırladaq ki, qitə tirnirinə əsas mərhələdən başlayacaq "Araz" H qrupunda "Mostar" (Bosniya və Hersoqovina), "Luksol Sent-Endryus" (Malta) və meydan sahibi "Deva" (Ruminiya) ilə yeganə vəsiqə uğrunda mübarizə aparacaq. Oyunlar müvafiq olaraq, oktyabrın 11-i, 12-si və 14-də baş tutacaq.
MİRAĞA

Oxşar xəbərlər
SON XƏBƏRLƏR