"Qarşıya 2 oyundan maksimum xal toplamağı məqsəd qoymuşdum" - Zaur Axundov
Futzal üzrə DÇ-2024-ün əsas mərhələsində Yunanıstanla qarşılaşan Azərbaycan millisi 7:0 hesabı ilə inamlı qələbə qazanıb.
"Footbal-plus.az" xəbər verir ki, oyundan sonra AFFA-nın İcraiyyə Komitəsinin üzvü, Azərbaycan Futzal Federasiyasının prezidenti Zaur Axundov federasiyanın mətbuat xidmətinə açıqlama verib:“Komanda üzvlərini, eləcə də azarkeşlərimizi təbrik edirəm. Məhsuldar qələbə oldu. Polşa ilə oyundan əvvəl komandayla görüşəndə də qarşıya 2 oyundan maksimum xal toplamağı məqsəd qoymuşdum. İlk maçımız kifayət qədər çətin keçsə də, vacib olan 3 xalı qazandıq. Bu gün isə Afinada Yunanıstan yığması ilə üz-üzə gəldik. Əlbəttə, Polşa üzərində qələbədən sonra müəyyən arxayınlaşma ola bilərdi. Buna görə də komanda üzvləri ilə söhbət aparıldı. Uşaqlar yaxşı oynadı, sona qədər mübarizə apardı, böyükhesablı qələbə qazandıq.
Hazırda 6 xalla yer aldğımız qrupun lideriyik, amma heç nə həll olunmayıb. Qarşıda daha 2 oyunumuz var. Həmin görüşlərə də yaxşı hazırlaşmalı, maksimum nəticə qazanmalı və elit-raunda yüksəlməliyik”.
Digər xəbərlər
