İngiltərə premyer-liqasının 8-ci turunda "Mançester Yunayted"lə oyun "Mançester Siti"nin futbolçusu Fil Foden üçün əlamətdar olub.

"Football-plus.az" "Opta"ya istinadən xəbər verir ki, o, görüşdə het-trikə imza atıb. Nəticədə Foden Xosep Qvardiolanın baş məşqçiliyi altında 50-ci qolunu vurub. 22 yaş 127 günlüyündə olan yarımmüdafiəçi Qvardiola ilə 50 qol həddinə çatan ən gənc futbolçu adını qazanıb. İndiyədək ən yaxşı nəticə Lionel Messiyə məxsus idi. O, 22 yaş 164 günlüyündə olarkən "Barselona"nın heyətində Qvardiolanın baş məşçiliyi altında 50-ci qolunu vurmuşdu.

Qeyd edək ki, Foden "Mançester Siti"nin yetirməsidir. O, bu mövsüm 5 qol və 2 qol ötürməsinə imza atıb.