Birinci divizionda yeni mövsümə hazırlığı davam etdirən “Şahdağ” növbəti yoxlama oyununda qüvvəsini sınayıb. Qusar təmsilçisi Mehdi Hüseynzadə adına Sumqayıt şəhər stadionunda həvəskarlar liqasının iştirakçısı “Uğur”la qarşılaşıb. Görüş 2:2 hesablı bərabərliklə bitib.
Xatırladaq ki, “Şahdağ” bundan əvvəl keçirdiyi yoxlama matçlarında “Qaradağ Lökbatan”la heç-heçə (1:1) etmiş, “Şüvəlan”a isə 1:2 hesabıyla uduzmuşdu. Komanda növbəti iki yoldaşlıq oyununu növbəti mövsümdən aşağı dəstədə debüt edəcək “Vətən”ə qarşı keçirəcək. Oyunlar sentyabrın 4-ü və 5-də baş tutacaq.