Premyer-liqanın 6-cı turunun mərkəzi görüşü, təbii ki, “Azərsun Arena”da keçirilən “Qarabağ” – “Sabah” matçı idi. Bəribaşdan qeyd edək ki, stadiondakılar və ekran önündə əyləşənlər çox maraqlı oyun izlədi.

7 qolun vurulduğu oyunda futbol adına hər şey var idi. “Qarabağ” meydana, demək olar, ikinci heyətlə çıxmışdı. Özü də müdafiəçi problemi yaşayan komandada Qara Qarayev özünə yad olan mövqedə çıxış etməliydi. “Tələbələr”də isə zədəli Namik Ələskərovun yoxluğu diqqəti çəkirdi. Davit Volkovu hücumda Emmanuel Apeh əvəzləmişdi. İlk dəqiqələrdən meydan sahibləri daha fəal təsir bağışlayırdı. Qaçırılan iki real qol şansından sonra Musa Qurbanlı komandasını hesabda önə çıxarmağı bacardı. Çox keçmədən qonaqlar “srtus-kvo”nu bərpa etdi. Ancaq Murad Musayevin komandası Abdulaye Ba qovulandan sonra meydanda azlıqda qaldı. Fasilədən sonra Elvin Cəfərquliyevin qolundan sonra çoxları ağdamlıların oyunun taleyini həll etdiyini düşünsə də, qonaqlar əzmkarlıq nümayiş etdirərək nəinki hesabı bərabərləşdirməyi, hətta öz xeyrinə dəyişməyi də bacardı. Ancaq oyunun taleyi son 10 dəqiqədə müəyyənləşdi. Şeydayevin dublu “köhlən atlar”ı premyer-liqanın lideri etdi.

Turun daha bir önəmli matçı Qəbələdə keçirildi. Bölgənin eyniadlı komandası “Neftçi”ni qonaq etdi. İlk yarı “qırmızı-qaralar”ın istədiyi məcrada başa çatsa da, fasilədən sonra “ağ-qaralar” geridönüş edərək çətin səfərdən 3 xalla döndü. Bu yerdə onu da qeyd edək ki, Elmar Baxşıyevin yetirmələri artıq ardıcıl üçüncü oyundu meydanı məyus tərk edir. Özü də bu oyunlarda bölgə təmsilçisi hesabı açan tərəf olub. Ötən mövsüm “Qəbələ” hesabda önə çıxdığı qarşılaşmalarda qələbəni əldən vermirdisə, 2022/23 “futbol ili”ndə əksi yaşanır.

9 ildən sonra baş tutan Qərb derbisində sevinən tərəf “Turan Tovuz” oldu. Həftəiçi yeni baş məşqçisinə qovuşan “Kəpəz” çox çalışsa da, Tərlan Əhmədovu sevindirə bilmədi.

Ötən tur çoxlarını təəccübləndirərək “Sabah”la heç-heçə edən “Səbail” azarkeşlərini növbəti dəfə sevindirə bilmədi. “Dənizçilər”in “Zirə” ilə görüşündə bütün qollar ilk hissədə vuruldu və 90 dəqiqənin sonunda “qartallar” qələbəni bayram etdi. İnsafən, Mahmud Qurbanovun komandası heç də məğlubiyyətə layiq deyildi. Sadəcə, meydan sahibləri xüsusilə ikinci yarıda yaxaladığı fürsətləri dəyərləndirə bilmədi.

“Sumqayıt” – “Şamaxı” görüşündə isə qalib müəyyənləşmədi. Aleksey Baqanın yetirmələri oyuna erkən olla başlasa da, davamını gətirmək mümkün olmadı. Yerli futbolçulardan formalaşan qonaq komanda heyətində 9 legionerin yer aldığı “kimyaçılar”la qollu “sülh”ə razılaşdı ki, bunu onların hesabına yazmaq daha düzgün olar. 6 turdan sonra cəmi bir qol vurub, hesabına 3 xal yazan komandanın “sükan”ının əcnəbi məşqçiyə tapşırılması nə dərəcədə düzgün addımdı? Yəqin “Sumqayıt” rəhbərliyi “Şamaxı” ilə oyundan sonra bu sual ətrafında dərindən fikirləşəcək.

Misli premyer-liqası
1-ci dövrə, 6-cı tur
9 sentyabr
Turan Tovuz – Kəpəz 2:0
10 sentyabr
Səbail – Zirə 1:2
Qəbələ - Neftçi 1:2

11 sentyabr
Sumqayıt – Şamaxı 1:1
Qarabağ – Sabah 4:3
1. Qarabağ 5 5 0 0 14-4 15
2. Neftçi 6 5 0 1 14-6 15
3. Sabah 6 4 1 1 13-6 13
4. Turan Tovuz 5 3 1 1 4-2 10
5. Zirə 6 3 1 2 8-8 10
6. Qəbələ 6 3 0 3 10-7 9
7. Səbail 6 1 2 3 7-8 5
8. Sumqayıt 6 0 3 3 1-9 3
9. Şamaxı 6 0 2 4 3-11 2
10. Kəpəz 6 0 0 6 4-17 0

Bombardirlər: Ramil Şeydayev (Qarabağ) – 6, Coy-Lens Mikels (Sabah) – 4.
Növbəti turun oyunları: 16 sentyabr – Sabah – Turan Tovuz, Səbail – Neftçi; 17 sentyabr – Qəbələ - Sumqayıt; 18 sentyabr - Kəpəz – Şamaxı, Zirə - Qarabağ.

RƏŞAD

Son xəbərlər

Fransa pley-offda, Argentina ilk qələbəsini qazandı - YENİLƏNİB

Mbappe bu 3 əfsanəni geridə qoydu

Levandovski ən yaxşı seçildi

Lukaku Belçikanın heyətinə qayıdır

Neymar ilə Danilonun aqibəti müəyyənləşdi

Sərdar Azmun azərbaycanlıdı? - ARAŞDIRMA

Ronaldo rekordlardan doymur

Valensiya DÇ tarixində bunu bacaran 4-cü futbolçu oldu

Sərdar Azmundan ''Fənərbaxça'' etirafı

Hakim Cavid Hüseynova hansı sözünə görə qırmızı vərəqə verib? - AÇIQLAMA

Mundiallar tarixində 3-cü qapıçı oldu

Milli komandanın yeni rekordçusu oldu

Fransalı oyunçu sıraya döndü

Dünya çempionatında ardıcıl 8-ci məğlubiyyət

Azarkeç DÇ-nin oyunu zamanı dünyasını dəyişdi

İdmançımız dünya oyunlarında gümüş medal qazandı

Dünya çempionatının finalında İT menecer olacaq azərbaycanlı ilə MÜSAHİBƏ

Tofiq Həbibin qohumu ilə döyüşmək istəyir

Məşqçisi Cokoviçin sirrini açdı

Oğul Rafael ata Rafaelin həyatını dəyişib

Azərbaycan çempionatının keçirilmə vaxtı açıqlandı

"Qarabağ" - "Zirə" matçının biletləri satışa çıxarılır

Prezident cinsi zorakılıqda suçlandı və istefa verdi

15-ci turun təyinatları bəlli oldu

Azərbaycan klubu dünya çempionatında oynayan futbolçunu transfer etmək istəyir

Mundialla erkən vidalaşdı

Entoni Devis klub rekordunu təkrarladı

Veteran futbolçu dünyasını dəyişdi

Ernandes əməliyyat olundu

Saniyədə 20 min paylaşım!

Bu dəfə himni oxudular, fitə basıldılar

Oveçkin 790-a çatdı

İdmançımız qızıl medal qazandı

Antonun komandasından növbəti qələbə

Ronaldoya daha bir müştəri

Niderland Ekvador matçında qollu sülh - VİDEO

“Çikaqo” “Boston”un qələbə seriyasını qırdı

Ponomaryov: “Bu mövsüm qarşımıza əsas məqsəd kimi çempionluq uğrunda mübarizəni qoyduq” - MÜSAHİBƏ

Qətər - Seneqal matçında 4 qol - VİDEO

"Kuboku qazanmaq istəyirik" - "Səbail"in futbolçusu

"Bu bizi qətiyyən qorxutmur" - Mirabdulla Abbasov

Fərid Qayıbov olimpiya idman komplekslərinin rəhbərləri ilə görüşdü

Mundiallar tarixində ilk

Cokoviç özünü hamıdan yaxşı sayır

“İnanıram ki, yığmamız həmin görüşlərdə sözünü deyəcək” - 1:8 hesabı ilə uduzan millimizin üzvü

Bütün xəbərlər