“Sloveniyaya səfərim PRO kursları ilə əlaqədardı. “Tabor” klubunun düşərgəsindəyəm. “Niyə Taboru seçmişəm?” Vaxtilə çalışdığım komandalarla Sloveniyaya təlim-məşq toplanışına gələndə klubun rəhbərliyi ilə isti münasibətimiz yaranıb. Bu səbəbdən də Sloveniyaya gəlməyi lazım bildim. Avrokuboklarda çıxış edən komandaların həftəlik məşq prosesini izləmək mümkün olmur. Onlar həftəiçi 2 matç oynadıqlarından məşq proqramında daha çox bərpaya üstünlük verirlər. Bir həftə klubun düşərgəsində olacam, məşqləri yaxından izləyəcəm. “Tabor”un baş məşqçisi Duşan Koşiçdi. İki il əvvəl Koşiç Sloveniyanın ən yaxşısı məşqçisi seçilib”.

“Arenada mükəmməl ab-hava var idi. Sloveniyada futbolu çox sevirlər. Lyüblanadakı stadion çox səfalı yerdə yerləşir. Oyun qolsuz başa çatsa da, meydanda sona qədər mübarizə aparan iki komanda gördüm. Sloveniyada çoxlu istedadlı gənclər var. Mənə elə gəlir, bir neçə ildən sonra onların bəzilərini Avropanın tanınmış klublarında görə biləcəyik. Matçdan sonra Koşiçlə görüşdüm, oyun barədə bəzi müzakirələrimiz oldu. Bu gün kollektiv istirahətdədi. Birinci gündən həftəlik məşq prosesinə start veriləcək ki, mən də orda iştirak edəcəm”.