“Qarabağ”ın ardından daha üç klubumuz avrokuboklarda mübarizəyə start verdi. Təəssüf ki, hər biri məğlubiyyətlə başladı. Bu qarşılaşmalarda hakimlər ön plana çıxmasa da, müzakirəyə açıq epizodlar yox deyildi. Onlara “işıq salmaq” üçün sabiq referi Rövşən Əhmədovla əlaqə saxladıq: “Əslində hakimlər haqda söz söyləmək düzgün deyil. Mən də dünən oyunların hər üçünə baxırdım. Təbii ki, üst-üstə düşdüyünə görə “Qəbələ”nin matçına çox az baxa bildim. Amma qalan iki görüşü izlədim. “Zirə”nin oyununda hakim səhvi görmədim. Elə bir gərgin, kobud məcrada keçən matç deyildi ki, hakim tərəfindən problem olsun. “Neftçi”nin oyununda da hakimliklə bağlı ciddi, nəticəyə təsir edən səhv olmadı. “Qəbələ”nin oyununa gəlincə, dediyim kimi, çox baxa bilmədiyimə görə hakimlərin işini dəyərləndirə bilməyəcəm”.
ŞAİR ABDULLA