Çempionlar Liqasında dünən keçirilən oyunlardan sonra UEFA-nın yeni reytinq cədvəlində dəyişiklik olub.

Football-plus.az xəbər verir ki, "Qarabağ"ın Polşa "Lex"i üzərində Çempionlar Liqasının 1-ci təsnifat mərhələsinin cavab görüşündə əldə etdiyi qələbə (5:1) Azərbaycanın aktivinə 0,250 əmsal gətirib.

Yeni mövsümdə ilk qazancımız irəliləmək üçün kifayət etməyib. Əmsalı 12,875-ə çatan ölkəmiz 29-cu pillədə qalıb.

Reytinq siyahısında dəyişikliklər aşağı pillələrdə baş verib. Lüksemburq 8,500 əmsallar 35-ci pilləyə yüksəlib. Hərəyə 8,375 əmsalı olan Finlandiya ilə Bosniya və Herseqovina 36-37-ci yerləri bölüşür. Əmsalını 8,125-ə çatdıran Litva 39-cu mövqeyə irəliləyib. Cəbəllütariq (5.541) 48-ci, İslandiya (5.416) 49-cu pilləyə irəliləyibsə, Uels (5.333) 50-ci mövqeyə düşüb.