Dieqo Lopes 40 yaşında olmasına baxmayaraq, karyerasını davam etdirəcək.

Qapıçının yeni klubu məlum olub. “Espanyol”dan ayrılan futbolçu “Rayo Valyekano” ilə anlaşıb. Lopes La Liqada çıxış edən klub ilə birillik müqavilə imzalayıb.

Qeyd edək ki, o, indiyədək ölkəsində “Luqo”, “Real”, “Vilyarreal” və “Sevilya”da, İtaliyada isə “Milan”da çıxış edib. Veteran futbolçunun İspaniya yığmasında 2009-cu ildə bir oyun keçirdiyini bildirək.