Şose velosipedi üzrə Azərbaycanın Elit/U23 millisi Beynəlxalq Velosipedçilər İttifaqının (UCI) 2.2 kateqoriyalı “Tour of Albania” yarışında uğurla mübarizə aparır.
"Football-plus.az" xəbər verir ki, yığma komandamızın liderlərindən olan Elçin Əsədov yarışın birinci mərhələsini ən yaxşı sprinterlərin sırasında – 7-ci pillədə başa vurub
Velosipedçimiz aralıq finişlərində 17 xal toplayıb. Elçin Əsədov hazırda ümumi təsnifatda 6-cı yerdə qərarlaşıb. Milli komandamızın digər üzvü Musa Mikayılzadə isə birinci mərhələdə 12-ci olub.
Qeyd edək ki, ilk mərhələdə velosipedçilər 161 km məsafə qət ediblər.
Yarışın ikinci mərhələsi isə iyunun 1-də keçiriləcək. Bu mərhələdə velosipedçilər 153 km məsafədə mübarizə aparacaqlar.
Xatırladaq ki, mötəbər yarışda ölkəmizi Elit/U23 yığma komandamızın üzvləri Elçin Əsədov, Elgün Əlizadə, Musa Mikayılzadə, Əli Qurbanov, Şahin Eyvazov və Yusif İsmayılov təmsil edir. Millimizə baş məşqçi Asif Həsənov rəhbərlik edir.
Azərbaycanlı velosipedçi 7-ci oldu
İdman
