Sizin reklam burada

Tahir Gözəl “Qarabağ”dan iki qol gözləyirmiş

Baxış Sayı:800

Tahir Gözəl “Qarabağ”dan iki qol gözləyirmiş
Evdə “Şerif”lə qolsuz bərabərliyə razılaşan “Qarabağ”ın vitse-prezidenti Tahir Gözəl oyun başa çatandan sonra jurnalistlərin suallarını cavabladı.
- Matçla bağlı nə deyə bilərsiz?
- Rəqibin təcrübəli, avrokuboklarda çox oynamış komanda olduğunu bilirdik. Ancaq bu axşam çox intizamlı, aqressiv, səliqəli müdafiə olunan bir kollektiv gördük. Eyni zamanda əks-hücumda da çox sürətli idilər. “Qarabağ” da yaxşı oynadı. Klubumdan çox razıyam. Buna baxmayaraq, alınmadı
- Oyundan əvvəl hansı nəticəni düşünürdüz?
- Səmimi deyirəm ki, ən az iki qol vuracağımızı düşünürdüm. Ancaq rəqib çox qapalı oynadı. İlk saniyədən bilinirdi ki, bərabərliyə gəliblər. Ona da nail oldular.
- Səfər oyunu haqda nə düşünürsüz?
- Daha çətin olacaq. Öz meydanında çıxış edən təcrübəli komandanı yarışdan kənarlaşdırmaq çətindi. Bu gün isə “Qarabağ”ın əzici üstünlüyü var idi. Sadəcə, bəxtimiz gətirmədi. Bir-iki dəfə onların qapıçısı möhtəşəm qurtarışlar etdi. Bizim müdafiəmiz də əla idi bu gün. Makism çox yaxşı oynayırdı.
- Qələbə üçün nə çatmadı?
- Bu gün bizdə, sadəcə, bəxt çatmadı.
- Nəticə sizdə ruh düşkünlüyü yaratmadı?
- Bu oyun keyfiyyəti ilə əsla. Komandam çox güclüdü. Hərdən soruşursuz ki, transfer lazımdımı? Mən deyirəm ki, xeyr. Çünki yeni oyunçuya ehtiyacımız yoxdu. Ancaq yenə də qapımız həmişə açıqdı. Yeni oyunçular həmişə lazım olacaq.
- Oyun ərzində “hardasan, ay kapitan?” deyə düşündünüzmü?
- Onu gözüm çox axtardı, çox. Onun yeri həmişə görünür.
- Yeni transferin zədələnməsi narahatlıq yaratdımı?
- Çox narahat olduq. Yeni oyunçudu, yeni həyəcandı.

Oxşar xəbərlər
SON XƏBƏRLƏR